ကြည်ညိုဖွယ်ရာ မြဘုရား ဆင်းတုရုပ်ပွားတော်မြတ်အား ဖူးတွေ့ရစဉ်
ထိုင်းနိုင်ငံ၊ဘန်ကောက်မြို့ကို ရောက်ပြီဆိုတာနဲ့ မဖြစ်မနေ သွားရောက်ဖူးမျှော်ရမည့် အဓိကဘုရားတစ်ဆူကတော့ "မြဘုရား"ပဲဖြစ်ပါတယ်။
မြဘုရားဟာ ကျောက်စိမ်းတုံးအစစ်မှ ထုလုပ်ထားသော ဘုရားဆင်းတုတော်ဖြစ်ပြီး မြဘုရားရဲ့ သမိုင်းကြောင်းကတော့ ထူးဆန်းအံ့သြဘွယ်ရာတွေနဲ့ ပြည့်နှက်လို့ နေပါတယ်။
မြဘုရားသည် ဟိုရှေးယခင်ကမူ ယခုလက်ရှိ ဖူးမျှော်နေရသည့် ကျောက်စိမ်းဘုရား ပုံစံမျိုး မဟုတ်ဘဲ အင်္ဂတေများဖြင့်သာ ဖုံးလွှမ်းတည်ရှိခဲ့လေသည်။ သမိုင်းအထောက်ထားများအရ အေဒီ ၁၄၃၄ခုနှစ်တွင် ထိုင်းနိုင်ငံ မြောက်ပိုင်း ချင်းမိုင်ခရိုင် အတွင်းရှိ စေတီတော် တစ်ဆူကို လျှပ်စီးမိုးကြိုး ထိမှန်ရာမှ ၄င်းစေတီတော် အတွင်းမှ အင်္ဂတေများဖြင့် ဖုံးလွှမ်းလျှက်ရှိသော ဘုရားဆင်းတုတော် တစ်ဆူကို တွေ့ရှိခဲ့သည်။ ထိုဆင်းတုတော်ကို စေတီအနီးရှိ ကျောင်းထိုင်ဆရာတော်မှ ကျောင်းဆောင်သို့ ပင့်ကာ ကိုးကွယ်၍ ထားခဲ့သည်။ တစ်နေ့တွင် ထိုဆင်းတုတော်ရဲ့ နှာတော်မှ အင်္ဂတေသားများ အထပ်လိုက် ကွာကျနေပြီး ထိုအင်္ဂတေသားများ ကွာကျနေသော ဆင်းတုတော်ရဲ့ နှာတော်နေရာမှာ ကျောက်စိမ်းသားများ ပေါ်နေသည်ကို ဆရာတော်က သိလိုက်ရသည်။
မြဘုရားဝင်းအတွင်းရှိ စေတီတော်များနှင့် ဘုရားပရ၀ုဏ်များအား အဝေးမှ ဖူးတွေ့ရစဉ်
ထို့ကြောင့် ဆရာတော်သည် ဆင်းတုတော်ရဲ့ အင်္ဂတေသာများကို ဆက်၍ ခွာလိုက်ရာတွင် ယခုအခါ ဖူးမျှော်နေရသည့် မြဘုရား ဆင်းတုတော်ကို တွေ့ရှိခဲ့လေသည်။ ထိုသတင်းမှာ တစ်နိုင်ငံလုံးသို့ ပျံ့နှံ့သွားခဲ့ရာ အနယ်နယ်အရပ်ရပ်မှ ဘုရားဖူးများ ထိုထူးဆန်းသော မြဘုရားကို လာရောက် ဖူးမျှော်ကြလေသည်။ ထိုအချိန်တွင် ချင်းမိုင်မြို့မှာ ချင်းမိုင်ဘုရင် လက်အောက်တွင် ရှိသော အချိန်ကာလ ဖြစ်လေ၏။ နောင်တက်လာသည့် ချင်းမိုင်ဘုရင် ဆန်ဖမ်းခအင် မင်းကြီးသည် မြဘုရားကို ချင်းမိုင်မြို့တွင် တည်ထားကိုးကွယ်ရန်အတွက် ဆင်တော်တစ်စီးကို စေလွှတ်၍ မြဘုရားကို ပင့်ဆောင်စေခဲ့ရာတွင် ထိုမြဘုရား ဆင်းတုတော်ကို သယ်ဆောင်လာသော ဆင်တော်ကြီးမှာ လန်းပန်းမြို့တော်နှင့် ဆက်ထားသော လမ်းဆုံကို ရောက်တိုင်းရောက်တိုင်း ထိုမြို့ဆီသို့ ဦးတည်၍သာ ပြေးသွားခဲ့လေသည်။
ဘုရင်မင်းကြီးသည် ဆင်တော်ကို သုံးကြိမ်သုံးခါ စေလွှတ်၍ ပင့်ဆောင် စေသော်လည်း ထိုလမ်းဆုံကို ရောက်လျှင် ဆင်တော်ကြီးမှာ လန်းပန်းမြို့ဘက်သို့ ဦးတည်၍သာ သွားမြဲသွားခဲ့လေသည်။ ထို့ကြောင့် ဘုရင်မင်းကြီးသည် မြဘုရားကို စောင့်ရှောက်ကြကုန်သော နတ်ကောင်း နတ်မြတ်တို့သည် လန်းပန်းမြို့တွင်သာ ဆန္ဒရှိကြဟန် တူသည်ဟု အတွေးတစ်ခု ပေါ်လာတော့သည်။ သို့နှင့် မြဘုရားကို လန်းပန်းမြို့တွင်သာ တည်ထား ကိုးကွယ်လာခဲ့သည်မှာ ချင်းမိုင်ဘုရင် တိလောကမင်းကြီးလက်ထက် ၁၄၆၈ခုနှစ်အထိ ၃၂နှစ်တိုင်တိုင် ကြာခဲ့လေသည်။ ချင်းမိုင်ဘုရင် တိလောကမင်းကြီးမှာ အင်မတန် သြဇာ အာဏာ ကြီးမားသူဖြစ်လေ၏။ သူ့လက်ထက်တွင် မြဘုရားကို ချင်းမိုင်မြို့သို့ ပင့်ဆောင်ကာ လူအန်ဂ် စေတီတော်ကြီး၏ အရှေ့မျက်နှာစာတွင် တည်ထားကိုးကွယ်ခဲ့သည်ဟု သမိုင်းအထောက်ထားများက ဆိုကြသည်။
မြဘုရားဝင်းအတွင်းရှိ ခေါင်းလောင်းမျှော်စင်ကြီး
၁၅၅၁ခုနှစ်တွင် ချင်းမိုင်ဘုရင် နတ်ရွာစံခဲ့ကာ ဘုရင်ကြီးမှာ သားတော်တစ်ပါးမျှ ထွန်းကားခြင်းမရှိဘဲ သမီးတော်များသာ ထွန်းကားခဲ့၏။ ထိုသမီးတော်များထဲမှ သမီးတော် တစ်ယောက်သည် လာအိုဘုရင်ကြီးနှင့် စုလျား ရစ်ခွေကာ သားတော်မင်းသားလေး ချိုင်ချတ်သကို မွေးဖွားခဲ့လေသည်။ ချင်းမိုင်ဘုရင်မင်းကြီး နတ်ရွာ စံတော်မူသောအခါ ချင်းမိုင်မှူးကြီး မတ်ရာတို့သည် ၁၅နှစ်မျှသာ ရှိသေးသော ထိုမင်းသားလေးကို အဘိုးဖြစ်သူ ချင်းမိုင်ဘုရင်ကြီး နေရာတွင် မင်းဆက်ခံရန် ဖိတ်မန္တက ပြုခဲ့ကြသည်ကို လက်ခံကာ မင်းသားလေး ချိုင်ချတ်သသည် ချင်းမိုင်ဘုရင်မင်းကြီး ချိုင်ချတ်သ ဖြစ်လာခဲ့လေသည်။ မင်းကြီးချိုင်ချတ်သသည် သူ၏ ခမည်းတော် လာအိုဘုရင်မင်းကြီး နတ်ရွာစံသည့် သတင်းကို ကြားသိသောအခါ အမိနိုင်ငံ လာအိုသို့ ပြန်လိုသည့် ဆန္ဒများ တဖွားဖွား ဖြစ်ခဲ့ရာ ၁၅၅၂ ခုနှစ်တွင်မူ မင်းကြီးချိုင်ချတ်သသည် မြဘုရား ဆင်းတုတော်ကိုပါ အပါပင့်ပြီး သူ၏ မှူးကြီးမတ်ရာများကို ချင်းမိုင်မြို့သို့ ပြန်လာပါမည့် အကြောင်း ကတိပေးကာ လာအိုနိုင်ငံသို့ ပြန်ကြွသွားခဲ့လေသည်။
မြဘုရားဝင်းနှင့် တဆက်တည်း ဆောက်လုပ်ထားတဲ့ ဘုရင့်ရဲ့နန်းတော်
ထိုအချိန်မှစ၍ မင်းကြီးချိုင်ချတ်သသည် ချင်းမိုင်သို့လည်း ပြန်မလာတော့၊ မြဘုရား ဆင်းတုတော်ကိုလည်း ပြန်မပို့တော့ပေ။ သို့နှင့် မြဘုရား ဆင်းတုတော်မှာ လာအိုနိုင်ငံ လူအန်းဖရဘန်းမြို့တွင် ၁၂နှစ်ကြာမျှ ကိန်းဝပ်စံတော်မူခဲ့ရလေသည်။ ၁၅၆၄ခုနှစ်တွင် မင်းကြီးချိုင်ချတ်သသည် ဘုရင့်နောင်မင်းကြီးရဲ့ ဗမာ့တပ်ကို မခုခံ မတိုက်ခိုက်နိုင်ခဲ့သောကြောင့် သူ၏မြို့တော် ဗီယန်တ်ိန်းမြို့သို့ ပြောင်းရွှေ့ စိုးစံခဲ့ရလေသည်။ ဤတစ်ကြိမ်တွင်မူ မြဘုရားဆင်းတုတော်မှာ ဗီယန်တိန်းမြို့တော်တွင် ၂၁၄နှစ်ကြာမျှ ကိန်းဝပ် စံတော်မူခဲ့ရပြန် လေသည်။ ၁၇၇၈ ခုနှစ်တွင် သုန်ဘူရီ ခေတ်ကာလအတွင်း ဘန်ကောက်ဘုရင် ရာမ(၁)သည် စစ်ဗိုလ်ချုပ်ဖြစ်နေသည့် အချိန်။ သူသည် လာအိုနိုင်ငံ ဗီယန်တိန်းမြို့ကို သိမ်းပိုက်နိုင်ခဲ့ပြီး မြဘုရား ဆင်းတုတော်ကိုလည်း ထိုင်နိုင်ငံသို့ ပြန်လည် ပင့်ဆောင်လာနိုင်ခဲ့သည်။
ဘန်ကောက်မြို့ကို ထိုင်းနိုင်ငံရဲ့ မြို့တော်အဖြစ် တည်ဆောက်ခြင်းနှင့်အတူ မြဘုရား ဆင်းတုတော်သည် ထိုင်းနိုင်ငံရဲ့ အထင်ကရ ရုပ်ပွားတော်တစ်ဆူ ဖြစ်လာခဲ့သည်မှာ ယခုခေတ်အထိပင်။ ဆင်းတုတော်ကို သုန်ဘူရီမှ ဘန်ကောက်ရှိ မြဘုရား ကျောင်းတော်သို့ ၁၇၈၄ ခုနှစ် မတ်လ ၂၂ ရက်နေ့တွင် ရွှေ့ပြောင်း ပင့်ဆောင်ခဲ့လေသည်။ ဘုရင်မင်းကြီး ရာမ(၁)သည် မြဘုရား ဆင်းတုတော်အား ရာသီအလိုက် သင်္ကန်းကပ်ပွဲတော် နှစ်ခုကို နှစ်စဉ် ကျင်းပပေးခဲ့ရာတွင် နွေရာသီ သင်္ကန်းကပ်ပွဲ တစ်ကြိမ်နှင့် မိုးရာသီ သင်္ကန်းကပ်ပွဲ တစ်ကြိမ်ဖြစ်သည်။ ဘုရင်မင်းကြီး ရာမ(၃) လက်ထက်တွင်မူ ဆောင်းရာသီ သင်္ကန်းကပ်ပွဲကိုပါ ထည့်သွင်း ကျင်းပပေးခဲ့သဖြင့် ထို့ကြောင့် မြဘုရား ဆင်းတုတော်အား သင်္ကန်းကပ်ပွဲမှာ တစ်နှစ်လျှင် သုံးကြိမ်ဖြစ်လာခဲ့လေသည်။ ထိုသို့သော ဓလေ့ထုံးတမ်း အစဉ်လာများကို အစွဲပြု၍ မြဘုရား ဆင်းတုတော်များကို ရောင်းချသည့် ဆိုင်များကလည်း နွေဘုရား၊မိုးဘုရား၊ဆောင်းဘုရားဟု သုံးမျိုးသုံးစား ခွဲခြားကာ ရောင်းချနေကြခြင်း ဖြစ်ဟန်တူပါသည်။
မြဘုရားဝင်း ၀င်ပေါက်တည့်တည့် အပြင်ဘက် ကားလမ်းမကြီး
ရှေးခေတ်ဘုရင်များ လက်ထက်တွင် မြဘုရားကျောင်းတော်ရှိ သိမ်တော်အတွင်း ကျင်းပသည့် ပွဲတော်များကို တက်ရောက်ကြသည့် မှူးကြီးမတ်ရာများနှင့် ဘုရင့်သားတော်များ၏ ကိုယ်ပေါ်တွင်သာ အန္တရာယ်ကင်း ပရိတ်ရေများ ပက်ဖျန်းပေးလေ့ ရှိခဲ့သော်လည်း ယခုမျက်မှောက်ခေတ် လက်ရှိဘုရင်မင်းကြီး ဘူမိဘောကမူ သိမ်အပြင်၌ စောင့်ဆိုင်းနေကြကုန်သော တိုင်းသူပြည်သား ပရိသတ်များ၏ ကိုယ်ပေါ်သို့လည်း ပရိတ်ရေများ ပက်ဖျန်းပေးလေ့ရှိသည်။ ဤသို့ ကျင်းပပြုလုပ်ပေးခြင်းသည် ထိုင်းနိုင်ငံ တော်ဝင် မိသားစု၏ ရိုးရာပွဲလည်း ဖြစ်လေသည်။ ထိုအချိန်ကတည်းက အစပြုခဲ့သော ပရိတ်ရေ ပက်ဖျန်းခြင်းအလုပ်သည် ယခုမျက်မှောက်ကာလ တိုင်အောင် ထိုင်းဘုန်းတော်ကြီးများ၏ ရင်ထဲတွင် စွဲကပ်ကိန်းအောင်းလျှက် ရှိနေကြသည်မှာ ဘုန်းတော်ကြီးကျောင်းသို့ ဖူးမျှော်ဘို့ရန်သော်၎င်း လှူဒါန်းဘို့ရန်သော်၎င်း ရောက်လာကြကုန်သော ဒကာ ဒကာမများအား ဦးခေါင်းပေါ်သို့ ပရိတ်ရေများ ပက်ဖျန်းပေးနေကြသည်မှာ အခုအချိန်ထိ ဖြစ်ပါသည်။
မြဘုရားကျောင်းဆောင် အ၀င်ဝရှိ ပရိတ်ရေစင်ခွက်ကြီးထဲမှ ကြာဖူးဖြင့် တို့ထိပီး ဦးခေါင်းကို ဆွတ်ဖျန်းနေကြစဉ်
ဤနေရာတွင် စကားစပ်လို့ ကြားညှပ်ပြောရမည်ဆိုလျှင် မြဘုရားရင်ပြင်တော်အတွင်း ရောက်ရှိပြီးနောက် မြဘုရား ဆင်းတုတော်ကို ဖူးမျှော်လိုပါက နိုင်ငံခြားသားများဆိုလျှင် ၀င်ကြေးအဖြစ် ဘတ်ငွေလေးရာပေးဆောင်မှသာ ဘုရားဖူးခွင့် ရရှိမှာဖြစ်ပါတယ်။ သို့သော်ငြားလည်း ထိုင်းနိုင်ငံသူ နိုင်ငံသားများနှင့် သံဃာတော်များ(ပြည်တွင်းပြည်ပ) ဖြစ်ပါက ဘုရားဖူးဘို့ရန်အတွက် ၀င်ကြေးငွေ လုံးဝပေးစရာမလိုပါ။ နောက်ပီး မြဘုရားရဲ့ ထူးခြားချက်ကတော့ ဘုရားကို ဖူးမျှော်ခွင့်ရဘို့ အတွက် အရမ်းနတ်ကြီးသည်ဟု လူအများနှုတ်ဖျားတွင် ပြောစမှတ် ရှိသည့်အတိုင်း နိုင်ငံကြီးအချို့မှ ပြန်လာကြသည့် မြန်မာလူမျိုးများ ထိုင်းနိုင်ငံရောက်ခိုက် မြဘုရားဖူးဘို့ရန် လာရောက်ကြရာတွင် နိုင်ငံအတွင်း ဆန္ဒပြနေသည့် အချိန်နှင့် ကြုံနေ၍ လမ်းတစ်ဝက်မှာပင် လှည့်ပြန်သွားရသူများ ရှိသလို ဘုရားဖူးလာရာလမ်းတွင် ယာဉ်ကျောပိတ်ဆို့မှုနှင့် ကြုံနေသဖြင့်ဘုရားဝင်း မုခ်ဦးတံခါး ပိတ်ချိန်မှ နောက်ကျရောက်သွား၍ လှည့်ပြန်သွားရသူများလည်း မကြာခဏ ကြားသိနေရပါသည်။ အချိူ့လူများဆိုလျှင် ဘုရားရင်ပြင်အတွင်း ရောက်ပြီးမှ ၀င်ကြေးငွေ နှမြှောပြီး ဘုရားမဖူးပဲ ပြန်ထွက်လာသူများလည်း ရှိသေး၏၊
ပြည်ပနိုင်ငံများမှ ဘုရားဖူးဧည့်သည်များ
လွန်ခဲ့သည့်နှစ်က ကျန်ုပ်ရဲ့သူငယ်ချင်း တစ်ယောက်ဆိုလျှင် မြဘုရားဖူးချင် လွန်းလှသဖြင့် မလေးရှားကနေ တကူးတက ထိုင်းသို့ဝင်လာရာ ထိုင်းတစ်နိုင်ငံလုံး ရေကြီးမှု ဖြစ်ပွားနေချိန်နဲ့ တိုက်ဆိုင်နေသဖြင့် မဖူးဘဲ ပြန်သွားရသည့် အဖြစ်ပျက်လေးကိုလည်း အခု စာရေးရင်း ပေါ်လာသဖြင့် ထည့်ရေးပေးလိုက်ခြင်း ဖြစ်ပါ၏။ လက်တွေ့ကျကျ ပြောရပါမူ ထိုင်းနိုင်ငံသို့ နှစ်ပေါင်းများစွာ ကတည်းက ရောက်ရှိနေကြသည့် မြန်မာလူမျိုးများဆိုလျှင် ဟိုယခင်က တရားဝင် ပတ်စပို့စာအုပ်တွေ မရှိကြသဖြင့် ထိုင်းနိုင်ငံ တစ်နေရာနဲ့ တစ်နေရာကို သွားလာဘို့ အမတန် ခက်ခဲနေချိန်မို့ မြဘုရားဆိုတာကို ကြားသာကြားဖူးပြီး အနီးကပ် ဖူးမြင်ခွင့် မရခဲ့ကြသည့် နှစ်ပရိစ္ဆေဒများစွာ ရှိခဲ့ပြီး အခုနောက်ပိုင်း ပတ်စပို့စာအုပ်တွေနဲ့ ဖြစ်လာတော့မှသာ ဖူးမြင်ခွင့် ရသူကများပြား၏။
သို့ကြောင့်ပင် မြဘုရားဟာ နတ်ကြီးတယ်ဟူသော စကားဟာ လူတကာနှုတ်ဖျားမှာ ရေပန်းစားနေခြင်း ဖြစ်ပါသည်။ မြန်မာပြည် ရောက်ပီးမှ လေးဆူဓာတ်ပုံ ရွှေတိဂုံကို မဖူးရလျှင် ရောက်ရကျိုး မနပ်ဆိုသလို ထိုင်းရောက်ပီးမှ မြဘုရားကို မဖူးခဲ့ရဘူး ဆိုလျှင်လည်း ထိုင်းရောက်ရကျိုး နပ်မည်မထင်ပါ။
ဦးခေါင်းကို ပရိတ်ရေဖြင့် ဆွတ်ဖျန်းနေကြစဉ်
မြဘုရား ဆင်းတုတော်၏ ရင်တော်မှာ ၄၈.၃ စင်တီမီတာရှိပြီး ၆၆ စင်တီမီတာ မြင့်သည်။ ဆင်းတုတော်မှာ ဘယ်ခြေတော်ပေါ် ညာခြေတော်တင်လျှက် တင်ပလ္လင်ခွေ ထိုင်လျှက် ပုံဖြစ်သည်၊ ဤဆင်းတုတော် ပုံစံကို ကြည့်ခြင်းအားဖြင့် ဆင်းတုတော်ကို ထုလုပ်ထားခဲ့သည်မှာ အေဒီ ၁၅ရာစုထက် သိပ်မစောနိုင်။ ထို့ပြင် ဆင်းတုတော်မှာ နောက်ပိုင်း ထိုင်းမြောက်ပိုင်း ချင်းစယ်(သို့) ချင်းမိုင်ကျောင်းများ၏ လက်ရာဖြစ်နိုင်သည်။ ဤသို့ဆိုလျှင် မြဘုရား ဆင်းတုတော်ကို ပုံသွင်း ထုလုပ်ခဲ့သည်မှာ ချင်းမိုင်ရှိ စေတီတော်အတွင်းမှ စတင်တွေ့ရှိခဲ့သည့် အချိန်နှင့် သိပ်မကြာခင်ကတည်းက ပြုလုပ်ကြဟန်ရှိသည်၊ နောက်ထပ် ထင်မြင်ချက်သဘောအရမူ မြဘုရား ဆင်းတုတော်မှာ တရားထိုင်နေသည့်ပုံ ဖြစ်သည့်အတွက် တောင်အိန္ဒိယနိုင်ငံနှင့် သီရိလင်္ကာနိုင်ငံရှိ် တရားထိုင်ပုံ ဆင်းတုတော်များနှင့် များစွာဆင်လှသည်။ တရားထိုင်ပုံ ဆင်းတုတော်များမှာ ထိုင်းနိုင်ငံလက်ရာ ဘုရားဆင်းတုတော်များနှင့် အနေအထားအရ ကွာခြားလှသဖြင့် မူလမြဘုရား ဆင်းတုတော်သည် အထက်ဖော်ပြပါ နိုင်ငံထဲမှ နိုင်ငံတစ်ခု၏လက်ရာ ဆင်းတုတော် ဖြစ်ကောင်းဖြစ်နိုင်သည်ဟု သမိုင်းအထောက်ထားများက ဆိုပါသည်။
(အသိပေးချက်)စက်တင်ဘာလထုတ်၊ အတွဲ(၁) အမှတ်-၂- တက္ကသိုလ်ရဟန်းပျို ဓမ္မစာစောင်မှ နေညိုချမ်း၏ဆောင်းပါးကို နည်းမှီ ကိုးကား၍ ရေးသားတင်ပြထားခြင်း ဖြစ်ပါကြောင်း အသိပေးအပ်ပါသည်။
