တယူသန် မောင်ဖိုးပေ

                တစ်ခါက  ပေပင်ကုန်းရွာ၌ နေထိုင်သော ဆင်းရဲချို့တဲ့သည့် မိသားစုတစ်စုတွင်  သားတစ်ယောက် ရှိလေ၏  ၄င်းမိသားစု၌ ထိုသားလေး မွေးဖွားသန့်စင်လာသည့်အချိန်မှစ၍ အလုပ်ကိုင်များ တစ်နေ့တခြား အဆင်ပြေလာကြပြီး ငွေကြေးဥစ္စာများ မယုံနိုင်လောက်အောင်ပင် ပြည့်စုံလာသဖြင့် ဘေးပတ်ဝန်းကျင်မှ လူအများပင် ၀ိုင်းဝန်းချီးကြူးရသည်အထိဖြစ်၏။  ထို့ကြောင့်ပင် မိသားစုတစ်စုလုံးက ထိုသားလေးကို ၀ိုင်းချစ်ကြလေ၏၊

 

 ထိုသို့ချစ်ကြသည့်အတိုင်း  သားလေးအား  နာမည်ပေး ကင်ပွန်းတပ်သည့်နေ့တွင် မိသာစုစားဝတ်နေရေးအတွက် ငွေကြေးဥစ္စာများ ကြီးပွားတိုးတက်လာမှုကို အစွဲပြု၍ သားလေးရဲ့အမည်ကို " မောင်ဖိုးငွေ"ဟု မှည့်ခေါ်စေ၏။ မောင်ဖိုးငွေကလည်း မိသားစုအားလုံးက အလိုလိုက်မှန်း ချစ်မှန်းသိသဖြင့်

သူလိုချင်တာမှန်သမျှ သူစားချင်တာမှန်သမျှ အကုန်ပူဆာ၏၊၊ သူပူဆာသည့်အတိုင်း အိမ်ကလူတွေကလည်း လိုလေသေးမရှိအောင် အကုန်လုပ်ပေးကြ၏၊ ဤကဲသို့ သားလေးအတွက် လိုချင်တာ စားချင်တာမှန်သမျှ  လုပ်ပေးနေရတာကိုပင် မိသားစုများက ၀မ်းသာမဆုံး ပျော်မဆုံး ဖြစ်နေကြ၏။

       တစ်နေ့ မောင်ဖိုးငွေလေးမှာ ၀မ်းပျက်ဝမ်းလျှောရောဂါ ဖြစ်သဖြင့် ကျေးလက်ကျမ္မာရေး ဆေးပေးခန်းသို့ သွားပြရာ ဆရာမက ကလေးအား ရေသောက်ချင်ပါက ရေစိမ်းမတိုက်ပဲ  ရေကျက်အေးတိုက်ရန်နှင့် ဓာတ်ဆားထုတ်များ ဖျော်တိုက်ဖို့ရန် မှာကြားသတိပေးလိုက်လေ၏။ ဤသို့ဖြင့် အိမ်ပြန်လာခဲ့ရာ အိမ်ပြန်ရောက်ပီး မကြာခင်မှာပင် မောင်ဖိုးငွေလေးက ရေသောက်ချင်ကြောင်း ပြောလာသဖြင့် ဆေးခန်းက ဆရာမမှာကြားသည့်အတိုင်း ရေစိမ်းမတိုက်ပဲ ရေနွေးအိုးထဲတွင် အသင့်ထည့်ထားသော ရေကျက်အေးကို ခပ်ပေးရာ ဘာမပြော ညာမပြော မောင်ဖိုးငွေက ရေကျက်အေးခွက်ကို ပစ်လွှင့်လိုက်ခါ "မေမေ သားက ဒီရေကျက်အေးကို မသောက်ချင်ဘူး..ဟိုသောက်ရေအိုးထဲက ရေအေးအေးပဲ သောက်ချင်တာဗျ..သားကို အဲဒီရေပဲခပ်ပေးပါ"ဟု ပြောလာသဖြင့် အမေဖြစ်သူက "ဒီရေကျက်အေးလေးပဲ သောက်ပါ သားရယ်..ဆရာမကလည်း ဒီရေကျက်အေးပဲ သောက်ဖို့ မှာလိုက်တာသားရဲ့...ရောဂါပျောက်တော့မှ ဟိုသောက်ရေအိုးထဲက ရေကို သားသောက်လို့ရမှာလေ"ဟု ချော့မော့ပြောသော်လည်း ဘယ်လိုမှ နားမ၀င်ပဲ သောက်ရေအိုးထဲက ရေကိုသာ သောက်ဘို့ ဇွတ်တရွတ်ပူဆာနေသဖြင့် နောက်ဆုံးတော့လည်း သားကိုချစ်တဲ့စိတ်နဲ့ ဆရာမ မှာလိုက်သော စကားကို သတိမမူတော့ဘဲ ရေအိုးထဲမှ ရေစိမ်းကို တိုက်လိုက်သဖြင့် မောင်ဖိုးငွေ၏ ၀မ်းလျှောရောဂါဟာ မသက်သာသည့်အပြင် နဂိုထက်ပင် ပိုဆိုးလာတဲ့အတွက် ဆရာမဆီသို့ နောက်တစ်ကြိမ် ထပ်မံပြရလေရာ ဆရာမက ဤသို့ မေးလိုက်လေ၏၊ "ဟေ.. သားလေးရောဂါက မသက်သာဘူးလား..ဘယ်လိုဖြစ်ရတာလဲ..ဆရာမပေးလိုက်တဲ့ ဆေးတွေကို မသောက်ဘူးလား''ဟု မိခင်ဖြစ်သူအား မေးလိုက်ရာမှာတော့ မောင်ဖိုးငွေမိခင်က "'ဒီလိုပါ ဆရာမရယ်..ကျမလည်း သားလေးကို ဆရာမပေးလိုက်တဲ့ ဆေးလုံးတွေကို အကုန်တိုက်ပါတယ်..ဒါပေမယ့် သားလေးက ရေကျက်အေး မသောက်ချင်ဘူး၊ ရေစိမ်းဘဲ သောက်ချင်တယ်ပြောတာနဲ့ ကျမလည်း သားလေးစိတ်ဆိုးမှာကြောက်ပီး ရေစိမ်းတွေ ခပ်ပေးလိုက်မိတယ် ဆရာမရယ်" ဟု စိတ်မကောင်းသော လေသံနဲ့ ပြန်ပြောလိုက်ရာ ဆရာမက ဒေါသတကြီးဖြင့် "အေး အေး အမေရဲ့ သားလေးကို ကျပ်ကျပ်အလိုလိုက်သိလား..တစ်နေ့ကျရင် ဒီသားလေးအတွက်နဲ့  မိသားတစ်စုလုံး ဒုက္ခရောက်မှာ မြင်ယောင်သေးတယ်" ဟု ပြောပြီး ရောဂါမသက်သာမချင်း ရေကျက်အေးကိုသာ တိုက်ရန် မှာကြားပြီး လိုအပ်သောဆေးဝါးများ ပေးကာ ပြန်လွှတ်လိုက်လေ၏။

                              အိမ်ပြန်ရောက်သည့်အခါမှာတော့ မောင်ဖိုးငွေတစ်ယောက် ဆရာမကို ကြောက်သည့်စိတ်ကြောင့် ရေစိမ်းတွေ မသောက်တော့ပဲ ဆေးဝါးများကို မှန်မှန်သောက်လာခဲ့ရာ ၀မ်းလျှောဝမ်းပျက်ရောဂါကား ပျောက်ကင်းသွားချေပြီ။ မည်သို့ပင် ရောဂါပျောက်သွားသည် ဆိုသော်ငြား မိသားစုက အလိုလိုက်မှန်းသိ၍ မိသားစုအပေါ် နွဲ့ဆိုးဆိုးကာ ပေကပ်ကပ်လုပ်သည့် ရောဂါကား ပျောက်မသွားပဲ တဖြည်းဖြည်း ဆိုးသထက် ဆိုးလာသည်ကိုတော့ မိသားစုများ သတိမူကြဟန်မတူပါ။ ထိုသို့ ပေသီးပေကပ်လုပ်သော အကျင့်ဆိုးကား ခလေးဘ၀အရွယ်မှာ မသိသာလှသော်လည်း အသက်အရွယ် ရလာသည်နှင့်အမျှ သိသာထင်ရှားလာလေ၏၊ တစ်ခုသောနေ့မှာတော့ မောင်ဖိုးငွေတစ်ယောက် အိမ်နားနီးချင်း  သူငယ်ချင်းအချို့နဲ့ ဂေါ်လီလုံးလှိမ့်တမ်း ကစားရာ သူလှိမ့်ဖို့အလှည့်အရောက်တွင် လှိမ့်လိုက်သော ဂေါ်လီလုံးက စည်းမကျော်သဖြင့် သေ(ပုတ်)သွားသည်ကို သူမပုတ်ကြောင်း အတင်းဇွတ်ကန် ငြင်းနေလေတော့၏၊ ကစားဖော်သူငယ်ချင်းများက ပြောမရသည့်အဆုံး သူ့အားကျောခိုင်းကြကာ အခြားနေရာသို့ သွားပီးကစားကြတော့မှ မောင်ဖိုးငွေတစ်ယောက် မျက်နှာညှိုးစွာဖြင့် အိမ်သို့ပြန်သွားလေတော့၏။

                              အိမ်ရောက်တဲ့အခါ  မိခင်ဖြစ်သူက "အို..ငါ့သားမျက်နှာ ကြည့်ရတာ မကောင်းပါလား..ဘာလဲ..သူငယ်ချင်းတွေနဲ့ ဆော့ကစားရာကနေ ရန်ဖြစ်ပီး ပြန်လာတာမို့လား..ကဲ ငါ့သား အမေကိုပြောစမ်း.ဘယ်လိုဖြစ်လာရတာလဲ" ဟု မေးလိုက်ရာ '' သူငယ်ချင်းတွေနဲ့ ရန်ဖြစ်ပီး ပြန်လာတာတော့ မဟုတ်ဘူးအမေ..သူတို့တွေ သားကို သူတို့နဲ့အတူ ပေးမဆော့ချင်လို့ အခြားနေရာပြောင်းပီး သွားကစားကြတာကို သားစိတ်မကောင်းဖြစ်ပီး ပြန်လာတာအမေရ" ဟု သားဖြစ်သူက ပြန်ပြောလိုက်ရာ အမေဖြစ်သူလည်း သားကိုချစ်တဲ့စိတ်ကြောင့် သူ့သားရဲ့တဖက်သတ် ပြောစကားကိုယုံပီး ဒီအတိုင်းဖာသိဖာသာ နေလိုက်၏၊ အမှန်တကယ်ဆိုရင် သားဖြစ်သူရဲ့ ပြဿနာကို သေသေချာချာ မေးမြန်းပီး အကျိုးအကြောင်းညွှန်ပြ ဆိုဆုံးမသင့်ပေ၏။

                             ယနေ့သည်ကား မောင်ဖိုးငွေအတွက် မူရင်းနာမည်ကွယ်ပျောက်ပြီး နာမည်ဆိုးရောက်မည့်နေ့ဟု မောင်ဖိုးငွေနှင့် သူ့မိသားစုများ ကြိုတင်တွက်ထားကြဟန် မတူပါ။ ဒီနေ့မောင်ဖိုးငွေတို့စာသင်ကျောင်းတွင် ကျောင်းသူ/ကျောင်းသားအားလုံး ကျောင်းသန့်ရှင်းရေးအတွက်

 ကျောင်းဝန်းအတွင်း မြက်ပင် ပေါင်းပင်များကို တူရွင်းပေါက်တူးများဖြင့် တူးဆွကာ သူ့အဖွဲ့ သူ့နေရာနဲ့သူ ကျောင်းဆရာ ဆရာမများ သတ်မှတ်ပေးထားသည့် နေရာများတွင် လုပ်ကြရပီး သန့်ရှင်းရေးလုပ်လို့ ပြီးဆုံးသွားချိန်တွင် ကျောင်းအုပ်ဆရာကြီးက တစ်နေရာချင်း သေသေချာချာ လိုက်လံစစ်ဆေးကာ နေရာအလိုက် အကောင်းဆုံး အသန့်ရှင်းဆုံး လုပ်နိုင်သည့်နေရာများကို ပထမ ဒုတိယ တတိယဆုများအဖြစ် ချီးမြှင့်ရာ မောင်ဖိုးငွေတို့ ကျောင်းသားအုပ်စု သန့်ရှင်းရေးလုပ်သည့် နေရာသည် ဘာဆုမှ မရရှိသည့်အပြင် ကျောင်းအုပ်ဆရာကြီး၏ အဆူခံထိခဲ့ရာ လုပ်ဖော်ကိုင်ဖက် သူငယ်ချင်းများက ဒေါသထွက်ကာ မောင်ဖိုးငွေအား "" ဟေ့ကောင် ဖိုးငွေ မင်းတစ်ယောက်အတွက်နဲ့ ငါတို့တစ်ဖွဲ့သားလုံးကို ကျောင်းအုပ်ဆရာကြီးက အခုဆူလိုက်ပီဆိုတာ မင်းသိရဲ့လား..မင်းလုပ်တဲ့နေရာကို သေချာပြန်ကြည့်စမ်း..မြက်ပင်၊ပေါင်းပင်တွေ အများကြီးကျန်ခဲ့တယ်ကွ.ဒီမှာ ကြည့်စမ်း သန့်ရှင်းရေးလုပ်တာ ဘာမှ မပြောင်ဘူး" ဟု ၀ိုင်းဝန်းအပြစ်တင်ကြရာ မောင်ဖိုးငွေက ဒေါသတကြီး ပြန်အော်လိုက်ပုံက "မင်းတို့တွေက ငါ့တစ်ယောက်တည်းကိုဘဲဝိုင်းပီးအပြစ်တင်နေကြတာ တော်တော်ရယ်စရာ ကောင်းလှပါလား..အဲဒီနေရာက

ငါလုပ်တာမဟုတ်ဘူးကွ..ဟိုကောင် ငပွလုပ်တဲ့နေရာဆိုတာ မင်းတို့တွေ မသိကြဘူးလား'' ဟု ပြန်အော်တာကို ကြားကြားချင်းသလို အနီးနားမှာရှိသော ငပွပြန်ပြောလိုက်ပုံက ဤသို့ပါတည်း။

                             ""'ဒီမှာ ဖိုးငွေ..မင်းဟာ မင်းအမှားကို လွယ်လွယ်ကူကူနဲ့ ၀န်ခံတတ်တဲ့သူ မဟုတ်မှန်း တစ်ရွာလုံး တစ်ကျောင်းလုံးက သိပီးသားမို့ မင်းကို ငါရှည်ရှည်ဝေးဝေး မပြောတော့ပါဘူး..ဒီနေ့ ဒီအချိန်ကစပီး မင်းနာမည်ကို ဖိုးငွေလို့ မခေါ်တော့ဘူး..မင်းဟာ လူတကာနဲ့ ဇွတ်အတင်းကန်ပီး ငြင်းတဲ့ကောင်ဆိုတော့ ""ဖိုးပေ""လို့ဘဲ ခေါ်တော့မယ်" ဟူသော စကားဆုံသည်နှင့် တပြိုင်နက် အနီးနားမှာ ရှိနေကြသော ကျောင်းသူကျောင်းသားများကလည်း "ဟုတ်တယ်..ဟုတ်တယ်.. ငါတို့တွေလည်း ဒီကောင်ကို ဒီနေ့ကစပီး ဖိုးပေလို့ဘဲ ခေါ်တော့မယ်" ဟု ၀ိုင်းဝန်းလှောင်ပြောင်ကြရာ မောင်ဖိုးငွေတစ်ယောက် သူ့မွေးဖွားပြီးသည့်အချိန်မှစ၍ မိသားစုများ ငွေကြေးဥစ္စာများ သိသိသာသာ ပြည့်စုံလာမှုကို အစွဲပြုပြီး မှည့်ခေါ်ခဲ့သည့် ဖိုးငွေဟူသာ နာမည်မှသည် အလွန်ဆိုးရွားသော ဖိုးပေဟူသည့်  ခေါ်သံကို ကြားရကာ အမတန်ရှက်ပီး ငိုကြီးဟစ်ကျယ်ဖြင့် အတန်းကျောင်းကနေ အိမ်သို့ပြန်လာခဲ့လေ၏။

                                     ကျောင်းကနေ အိမ်ကို ငိုယိုပီး ပြန်လာသည့် မောင်ဖိုးငွေကို ကြည့်ကာ အမေဖြစ်သူက "" ဟယ် သားရယ်..ဘာဖြစ်လို့ ကျောင်းကနေ ငိုပီး ပြန်လာရတာလဲကွယ်..အမေကို ပြောစမ်းပါဦး""ဟု စိတ်မကောင်းစွာဖြင့် မေးမြန်းသော်လည်း သားဖြစ်သူက ဘယ်လိုမှ ပြန်မပြော တဟီဟီသာ ငိုနေလေတော့၏။ အမဖြစ်သူ အကိုဖြစ်သူများကလည်း နည်းမျိုးစုံဖြင့် ချော့မောပြီး မေးကြသော်လည်း မောင်ဖိုးငွေက ဘာမှ ပြန်မပြောပေ။ နောက်ဆုံး  လယ်တောမှ ပြန်လာသော ဖခင်ဖြစ်က ငေါက်ငန်းကြိမ်းမောင်းတော့မှ မောင်ဖိုးငွေပါးစပ်မှ ထစ်ထစ်ငေါ့ငေါ့

ဖြင့် ဤသို့ပွင့်ထွက်လာလေတော့၏။ "" ဒီနေ့ သားအရမ်းဝမ်းနဲလို့ ယူကျူံးမရဖြစ်ပီး ငိုမိတာပါ..ဒီနေ့ သားတို့ကျောင်းမှာ ကျောင်းသန့်ရှင်းရေးလုပ်ကြရတယ်..သန့်ရှင်းရေးလုပ်တာ အကောင်းဆုံး အဖွဲ့တွေကို ကျောင်းအုပ်ကြီးကနေ ဆုတွေပေးတော့ သားပါဝင်တဲ့အဖွဲ့က ဆုမရတဲ့အပြင် အဆူခံရတော့ အဖွဲ့သားအားလုံးက သားလုပ်တဲ့နေရာက မပြောင်လို့ အခုလို ဆုမရဘဲ အဆူခံရတာဆိုပီး သားကိုချည်း ၀ိုင်းပြောကြတယ်..အဆိုးဆုံးကတော့ သားဟာ အမှားကို လွယ်လွယ်နဲ့ ၀န်မခံဘဲ ဇွတ်အတင်း ကန်ငြင်းတဲ့သူဆိုပီး သူတို့တွေက သားကို ဖိုးငွေလို့မခေါ်တော့ဘဲ ဖိုးပေလို့ ၀ိုင်းခေါ်ကြတာကို သားမခံမရပ်နိုင်ဖြစ်ပီး ငိုမိတာပါ..မိသားစုအားလုံးက အမြတ်တနိုးမှည့်ထားတဲ့ ဖိုးငွေဆိုတဲ့ နာမည်ကိုမခေါ်ဘဲ ဖိုးပေဆိုတဲ့ နာမည်ကို ၀ိုင်းလှောင်ပြောင်ပြီး ခေါ်ကြတော့ သားရှက်လဲရှက်မိတယ်""ဟူသည့်စကားအဆုံးမှာတော့မိသားစုအားလုံးစိတ်မကောင်းဖြစ်ကြကာ

 အောက်ပါ နောင်တအတွေးများ ဖြစ်ပေါ်လာခဲ့ချေပြီ။

                                            .အင်း...သားကို အခုလို ဖိုးပေလို့ အခေါ်ခံရတာဟာ အမေတို့ မိသားစုတွေရဲ့ အပြစ်တွေပါကွယ်..အမေတို့တွေက သားကိုအရမ်းချစ်ကြပီး သားလိုချင်တာ သားစားချင်တာ သားလုပ်ချင်တာတွေ မှန်သမျှ အကုန်လုပ်ပေးခဲ့ကြတယ်..သားလုပ်တာတွေ မှားမှားမှန်မှန် ခေါင်းငုံ့ခံခဲ့ကြတယ်လေ...နောက်ဆုံး သားသူငယ်ချင်းတွေနဲ့ ဆော့ကစားရာကနေ ဇွတ်အတင်း ငြင်းကန် ပေတေတေ လုပ်ပီးပြန်လာခဲ့တာတွေကို သားကိုချစ်တဲ့စိတ်နဲ့ မသိချင်ယောင်ပီး နေလာခဲ့ကြတယ်..မိသားစုတွေ အပေါ်မှာ ပေတေတေလုပ်တတ်တဲ့ အကျင့်ဆိုးကြီးက မိသားစုအပေါ်မှာတင် မဟုတ်တော့ပဲ ကစားဖော် သူငယ်ချင်းတွေ အတန်းဖော် သူငယ်ချင်းတွေအပေါ်ထိ ကူးစက်သွားပီး အခုလို မူရင်းနာမည်ပျောက် ဖိုးပေဆိုတဲ့နာမည်ရောက်လာခဲ့တာဟာ အမေတို့တွေရဲ့ ပြုပြင်ထိန်းသိမ်းမှု ညံ့ဖျင်းခဲ့လို့ ဖြစ်ခဲ့ရတာပါ သားရယ်..အမေတို့ သားလေးဟာ သံပုရာသီးလို ကြီးလေချဉ်လေ ဖြစ်လာလိမ့်မယ်ဆိုတာ အစောကတည်းက ကြိုသိခဲ့ရင် အခုလို ဖြစ်မှာမဟုတ်ဘူးသားရယ်...အခုတော့ အမေတို့မိသားစုတွေရဲ့ ပေါ့ဆမှုတွေကြောင့် အမြတ်တနိုး မှည့်ခေါ်ခဲ့တဲ့ သားလေးဖိုးငွေကနေ ဖိုးပေအဖြစ် လူတကာ နှုတ်ဖျားမှာ ရေပန်းစား ခေါ်ဝေါ်ခံခဲ့ရလေပြီပေါ့ သားလေးရယ်ဟု နောင်တအတွေးများဖြင့် အတွေးနယ်ချဲ့ရင်း သားလေး မောင်ဖိုးငွေရဲ့ ဘ၀အနာဂတ် ဘယ်လိုလှပအောင် ပြုပြင်ရမလဲဆိုတာတွေကို စဉ်းစားနေလေတော့၏။

(အသိပေးခြင်း) လူ့ဘ၀ဇာတ်ခုံ အဖုံဖုံ၌ ကြုံတွေ့ရသော 
အဖြစ်ပျက်လေးအား မှီငြမ်းပြီး  ခံစားရေးဖွဲ့ပါသည်။