လျှောက်လှမ်းရမယ့် ဘ၀ခရီးလမ်း
တစ်ယောက်တည်း မလျှောက်လှမ်းချင်လို့
နှစ်ယောက်တွဲ လျှောက်လှမ်းဘို့အတွက်
မတူညီတဲ့ သဘောတရားတွေကို
နားလည်မှုတွေနဲ့ ပေါင်းစပ်ပြီး
အေးအတူ ပူအမျှ
နှစ်လွှာတစ်ရွက် စွယ်တော်ရွက်ပမာ
ဘ၀ဆိုတဲ့ အဓိပ္ပါယ်ကို
ပီပြင်စွာ ဖွင့်ဆိုတတ်ကြတာ သဘာဝပေမို့
ရိုးမယ်ဖွဲ့ပီး ပြောစရာလည်း လိုမယ်ထင်ပါဘူး...
သို့သော်လည်း(ဒါပေမဲ့)...
ပါရမီဖြည့်ဖက်တို့ရဲ့ သဘာဝ
ပျိုမြစ်နုနယ် လှသွေးကြွယ်နေချိန်မှာ
သားသမီးဆိုတာ အရေးမပါသေးပေမယ့်
အားအင်ငြှိုးနွမ်း အိုမင်းမစွမ်းချိန်မှာတော့
သားသမီးဆိုတာ မိဘတွေအတွက်
အားကိုးစရာ လက်နက်သဖွယ်ပေမို့
မိခင်တွေအများစု ရယူချင်ကြတဲ့
သားဦးရတနာတစ်ယောက်
ကံကောင်းစွာနဲ့ မွေးဖွားထွန်းတောက်ခဲ့လို့
ဖခင်တစ်ယောက်ရဲ့ ရင်ထဲမှာ
ပြောပြလို့ မရတဲ့ ပီတိတွေ
ဘယ်အရာနဲ့မှမတူတဲ့ ပျော်ရွှင်မှုတွေ
အတိုင်းအဆမဲ့ ဖြစ်ခဲ့ရတာ အမှန်ပါ..
အခြေနေမပေးလို့
အနေဝေးနေရတဲ့ ဇနီးမောင်နှံနှစ်ယောက်
သစ္စာမဖောက်ကြေးရယ်လို့
ကတိသစ္စာတရားတွေ
ဗုဒ္ဓထံပါးမှာ တိုင်တည်မထားခဲ့ကြပေမဲ့လည်း
ဝေးတာနီးတာ ပဓာနမထားပဲ
နားလည်မှုတွေ လက်ကိုင်ထားခါ
မိမိတို့ရဲ့ ရင်သွေး သားရတနာလေးအတွက်
ဖခင်တစ်ယောက်အနေနဲ့
မောတာပန်းတာ ပဓာနမထားပဲ
ရှာဖွေရရှိတဲ့ လစာငွေအားလုံး
အဝေးက ချစ်ဇနီးထံ လစဉ်ပုံမှန်ပို့ပေးရင်း
အချိန်တော်တော်ကြာ နေထိုင်လာခဲ့ကြရင်းကနေ
တဒင်္ဂအတွင်း ဖြဟ်ပေါ်လာတဲ့ စိတ်ဆန္ဒအတွက်
အလိုလိုက်မိတဲ့ ချစ်ဇနီးတစ်ယောက်
မိမိရဲ့သားနဲ့ လင်ယောင်္ကျားမျက်နှာကို မထောက်ထား
အိမ်ထောင်ရေးဖောက်ပြားမှုဆိုတဲ့ သစ္စာမဲ့လုပ်ရပ်ကို
အဝေးက လင်ယောင်္ကျားသာ သိသွားခဲ့ရင်
ခဲလေသမျှ သဲရေကျဖြစ်ပီး
ယူကျူံးမရ ဖြစ်မိမှာ အမှန်ပေမို့
အဝေးက
"" သူမသိပါစေနဲ့""လို့
ဆုတောင်းပေးရုံမှတပါး အခြားမရှိလေပြီ..........
။အသိပေးခြင်း။ လတ်တလော ကြားသိရသော စိတ်မကောင်းစရာ
သတင်းတစ်ပုဒ်အား မှီငြမ်းခံစား ရေးဖွဲ့ထားပါကြောင်း အသိပေးအပ်ပါသည်။
No comments:
Post a Comment