၁၃၇၂-ခုနှစ်ကို ပြန်လည် စစ်ဆေးကြည့်ခြင်း

လူ့လောကမှာ မှီတင်းနေထိုင်နေကြတဲ့ လူသားတိုင်း

လူသားတိုင်း မိမိတို့မသေခင်ကာလလေးမှာ

ကုသိုလ်၊ဥစ္စာ၊ပညာဟူသော အရာသုံးမျိုးရှိသည့်အနက်

တစ်မျိုးမျိုးလောက်တော့ ရယူရှာမှီးနိုင်မှ

လူဖြစ်ရကျိုး အသက်ရှင်သန်ရကျိုး နပ်မည်ဟု ကျွန်တော်ထင်ပါသည်။ အဘယ့်ကြောင့်ဆိုသော်

ရခဲလှသည့် လူ့ဘ၀ကို ရရှိနေခြင်းသည်ပင်လျှင် ရှေးအတိတ်ကံ၏အထောက်အပံ့ကြောင့်ဆိုတာကို

အကျယ်တ၀န်းပြောပြစရာ လိုမည်မထင်ပါ၊"ရှေးက ကောင်းလို့ အခုကောင်းပါသည်အခုကောင်း

နောင်ကောင်းပါလိမ့်မည်"ဆိုတဲ့ တရားသဘောကို လက်ခံကျင့်သုံးနေကြသူများပီပီ

ကံကောင်းထောက်မသဖြင့်ရရှိလာတဲ့ တစ်ခဏတာ လူ့ဘ၀လေးကို အလဟဿ

ဖြုန်းတီးပစ်ရာမရောက်အောင်၊ မိမိဘ၀အတွက်လည်း သမိုင်းမှတ်တမ်းကောင်းကျန်ရအောင်

အထက်ပါ ကုသိုလ် ပညာ ဥစ္စာသုံးမျိုးထဲက တစ်ခုခုကိုတော့ ရရှိအောင် ရှာမှီးသင့်သည်ဟု

ထင်မြင်သည့်အလျှောက် ကုန်ဆုံးသွားခဲ့သည့် ၁၃၇၂-နှစ်ဟောင်းကာလ အတောအတွင်းနှင့်

၁၃၇၃-ခုနှစ် နှစ်သစ်ဦးကာလမှာမိမိဘ၀အတွက် အမှတ်တရဖြစ်စေမည့် ကုသိုလ်ကောင်းမှု

အစုစုတို့ကို မိမိစွမ်းအားရှိသလောက် ပြုလုပ်လှူဒါန်းခဲ့သည်များကို စာဂါနုဿတိ

ကုသိုလ်ဖြစ်ရေး မျှော်ရည်တွေး၍ အောက်ပါအတိုင်း မှတ်တမ်းတင်ဖော်ပြအပ်ပါသည်။

၁၃၇၂-ခုနှစ်၊နှစ်ဟောင်းကာလအတွင်း လှူဒါန်းခဲ့မှုစာရင်း

၁။မွေးရပ်မြေမှ လောကပြတင်း ရွှေနံ့သာစာကြည့်တိုက်အတွင်း အသုံးပြုနိုင်ရန်အတွက်
ကွန်ပျူတာ၊ပရင်တာပစ္စည်းများပေးအပ်လှူဒါန်းခဲ့ခြင်း၊

၂။မွေးရပ်မြေမှ မိဘဆွေမျိုးများအတွက် ထိုင်းနိုင်ငံမှ မြဘုရားဆင်းတုတော်
(၈)ဆူပင့်ဆောင်လာကာ ဘုရားအနေကဇာတင်ပွဲနှင့် တစ်ညတာအသံမစဲ မဟာပဌာန်းပွဲများ
ပြုလုပ်ကျင်းပပေးခဲ့ခြင်း၊

၃။မြန်မာပြည်မှ သူငယ်ချင်းများအား ထိုင်းသက်န်း၊ထိုင်းလွယ်အိတ်၊ထိူင်းအံသကိုဋ်နှင့်
ထိုင်းကိုယ်ပတ်သင်္ကန်းစများကို လက်ဆောင်အဖြစ် ပေးခဲ့ခြင်း၊

၎။မြန်မာပြည်မှ ကျေးဇူးရှင်ဆရာသမားများအား ပိုက်ဆံခါးပတ်အိတ်များကို
စင်္ကာပူအမှတ်တရ လက်ဆောင်အဖြစ် လှူဒါန်းခဲ့ခြင်း၊

၅။သူနာပြုသင်တန်းတက်ရောက်နေသည့် ရန်ကုန်မြို့မှ မအေးမာငြိမ်းအား ပညာသင်စရိတ်အဖြစ်
ငွေကျပ်-၄သောင်းထောက်ပံ့လှူဒါန်းခဲ့ခြင်း၊

၆။ထိုင်းနိုင်ငံ၊ကင်ချနဘူရီမြို့နယ်၊နာနတ်သီးစက်ရုံမှ ဒုက္ခရောက်နေသူ ကိုထွန်းအတွက်
ဘတ်ငွေတစ်ထောင်ကျပ် ကူညီထောက်ပံ့ပေးခဲ့ခြင်း၊

၁၃၇၃-ခုနှစ်၊ နှစ်သစ်ဦးကာလ လှူဒါန်းခဲ့မှုစာရင်း

၁။မွေးရပ်မြေမှ ၆-ကြိမ်မြောက် နွေရာသီယဉ်ကျေးမှုသင်တန်းအောင်ပွဲအဖြစ် ကျင်းပသည့်
တရားပွဲ(၃)ညစာအတွက် ဓမ္မပူဇာအလှူတော်ငွေ(၃)သောင်းကျပ်ပေးလှူခဲ့ခြင်း၊

၂။၎င်းသင်တန်းကြီး ရေရှည်ကျင်းပနိုင်ရေးအတွက် သင်တန်းရံပုံငွေအဖြစ် (၂)သောင်းကျပ်
ထည့်ဝင်လှူဒါန်းခဲ့ခြင်း

အထက်ပါ လှူဒါန်းခဲ့သမျှ ကုသိုလ်ကောင်းမှု အစုစုတို့၏ အဘို့ဘာဂကို စာဖတ်ပရိသတ်များနှင့်တကွ
(၃၁)ဘုံအတွင်းရှိ ဝေနေယျ သတ္တ၀ါအပေါင်းတို့အား ၀မ်းမြောက်နုမော် သာဓုခေါ်ဆိုနိုင်ရန်အတွက် ရေးသားတင်ပြလိုက်ရပါကြောင်းပြောကြားရင်း အောက်ဖော်ပြပါ ဂါထာတစ်ပုဒ်နဲ့ လှူဒါန်းခဲ့မှု
ကုသိုလ်စာရင်များကို နိဂုံးချုပ်လိုက်ရပါသတည်း။

သဗ္ဗေ တံ အနုမောဒိတွာ၊ သမဂ္ဂါ သာသနေ ရသာ၊
ပမာဒရဟိတာ ဟောန္တု၊ အာရက္ခန္တု ၀ိသေသတော။

ပညာရှိစကား မှတ်သားနာယူ

*ငါတို့ကို မုန်းတဲ့ လူသားတွေကြားမှာ ငါတို့ကို မချစ်ချင်လျှင် နေပါစေ၊ ငါတို့ကို ယုံကြည် လာအောင် ကြိုးစားကြရမယ်။
*အရာရာတိုင်းဟာ အကောင်းဆုံးမဖြစ်လျှင်တောင်မှ အသင့်တော်ဆုံး ဖြစ်နေအောင် ကြိုးစားကြရမယ်။
*လူလူချင်း ဂုတ်သွေးစုတ် အမြတ်ထုတ်နေကြတဲ့ လူသားတွေကြားမှာ လယ်လယ်ဝယ်နဲ့ အလိမ်မခံကြရအောင် ကြိုးစားကြရမယ်။
*”စာပေဆိုတာ စိတ်ရဲ့အစာ”ဆိုတဲ့အတိုင်း စိတ်၏ပင်ပန်း ဆင်းရဲ ညစ်နွမ်းမှုများကို စာပေများ ဖတ်ရှု့လေ့လာခြင်းအားဖြင့် ဖြေဖျောက်ကြရမယ်။
*တစ်ခါတစ်ရံမှာ ကိုယ်ကိုယ်တိုင် အဟုတ်ကြီး ထင်နေတတ်တဲ့အရာဟာ မဟုတ်တာကြီး ဖြစ်နေတတ်တယ်ဆိုတာကို “ပညာရှိ သတိဖြစ်ခဲ” ဆိုသည့်အတိုင်း သတိကြီးကြီး ထားနိုင်အောင် ကြိုးစားကြရမယ်။
*”အမှိုက်ကစ ပြဿာဒ်မီးလောင်” ဆိုသလိုမျိူး တစ်ခါတစ်ရံ မဖြစ်စလောက် အရာလေးတွေက မဖြစ်သင့်တာတွေ ဖြစ်ကုန်တတ်တယ်။ဒါကြောင့် မဖြစ်သင့်တာ မဖြစ်ရအောင် ကြိုးစားနိုင်ကြရမယ်။
*”သတိမမူ ဂူမမြင်”ဆိုသည့်အတိုင်း သတိမထားမိလျှင် အမှုမဲ့ အမှတ်မဲ့နဲ့ ဂူကိုတောင် မမမြင်နိုင်သလို ဘ၀ရဲ့တိုးတက်မှု လမ်းကြောင်းများကိုလည်း သတိထား တံခါးဖွင့်နိုင်အောင် ကြိုးစားကြရမယ်။
*သင်္ချာသဘောတရားကို သတိထားကြည့်ပါ၊ အပေါင်းနှင့်အနှုတ် အပေါင်းက အရများ၍ အနှုတ်က အရနည်းသည်၊ သို့အတွက်ကြောင့် ဘ၀မှာ အပေါင်းများများ ဖြစ်အောင် ကြိုးစားကြရမယ်၊ “တစ်ရွာတစ်အိမ်တည်” ဆိုသည့် မြန်မာမြန်မာစကားပုံအရ ရွာတစ်ရွာမှာ မ်ိတ်ဆွေတစ်အိမ်ရှိလျှင် ဘယ်ရွာသွားသွား ပူစရာမလိုဘူးဆိုတဲ့ သဘောပါဘဲ။
*သုခတည်းဟူသော ချမ်းသာကို လိုချင်လျှင် ဒုက္ခတည်းဟူသော ဆင်းရဲမှု လောကဓံဆိုးကို ဖျက်ချိုးနိုင်အောင် ကြိုးစားကြရမယ်။
*လူ့ဘ၀ဆိုတာ တစ်ခါတစ်ရံ မကြံစည်တာလည်း ဖြစ်တတ်သလို ကြံစည်တာလည်း ပျက်တတ်တယ်တဲ့၊ ဒါပေမယ့် ဖြစ်ချင်း ပျက်ခြင်း အစိုးမရခြင်းဆိုတဲ့ အနိစ္စ၊ဒုက္ခ၊အနတ္တ စကားလုံး သုံးလုံးကို ဖြေဆေးအဖြစ် အမြဲနှလုံးသွင်းပြီး ကိုယ့်ဘ၀ကို အမြဲတိုးတက် ကောင်းမွန်နေအောင် ကြိုးစားကြရမယ်။
*နှစ်သစ်မှာ နှစ်ဟောင်းက စိတ်ဆင်းရဲမှုများကို ခေါင်းထဲက ထုတ်ပစ်၍ အတွေးသစ် အကြံသစ် ဥာဏ်သစ်များဖြင့် ကိုယ့်ဘ၀ကို အမြဲတမ်း သစ်လွင်နေအောင် တောက်ပနေအောင် ကြိုးစားကြရမယ်။
*” စွံချင်လျှင် စွန့်ပါ၊ စွန့်မှ စွံမယ်” ဆိုတဲ့ တိပိဋကဓရဆရာတော်ဘုရား မိန့်တော်မူသည့်အတိုင်း စွန့်လွှတ် စွန့်စား ကြိုးစားလိုသော စိတ်များကို မွေးမြူနိုင်အောင် ကြိုးစားကြရမယ်။
*” လူဆိုတာ သေတစ်နေ့ မွေးတစ်နေ့ “ ဆိုတာ မှန်၏၊ ဒါပေမယ့် မွေးပြီးမသေခင်စပ်ကြား ကာလအတွင်းမှာ သင်ဟာဘယ်လောက် အတိုင်းတာထိ မိမိအကျိုး သူတစ်ပါးအကျိူးကို ဆောင်ရွတ်နိုင်ခဲ့သလဲ ဆိုတာကို ဆန်းစစ်ဝေဖန် သုံးသပ်နိုင်အောင် ကြိုးစားကြရမယ်။
* အလုပ်မရှိ၊ ငုံးတိတိနှင့်၊
နုံးချိမဲ့ယောင်၊ အူကြောင်ကြောင်ကို
ခုလည်းမလို၊ နောင်လည်းပို၏ ဆိုတော်မူသော ရွှေကျင်သာသနာပိုင် ၀ါဆိုဆရာတော် မိန့်တော်မူသည့်အတိုင်း ယခုလည်းမလို နောင်လည်းပိုနေမည့် လူပိုတစ်ယောက် မဖြစ်ရလေအောင် ကြိုးစားကြရမယ်။

လူ့ဘုံထုံးစံ
ကဲ့ရဲ့ဒဏ်ဖြင့်
ရန်မာန်ပိတ်သဲ
ခရီးခဲ၌
ရဲမာန်ရဲသွေး
ရဲစိတ်မွေးလျှက်
ရဲသွေးနီနီ
စီရရီဖြင့်
ဦးတည်မပျက်
ရှေ့သို့ဆက်လော။ ဆိုသည့်
အမရပူရ မဟာဂန္ဓာရုံဆရာတော်ဘုရား၏ အဆိုအမိန့်ကို မှတ်သား၍ ဘ၀ရဲ့ဒုက္ခ လောကဓံဆိုးများဟု ခေါ်သည့် လာဘ်မရခြင်း အခြံအရံအသင်းပင်းမရှိခြင်း၊ ကဲ့ရဲ့ခံရခြင်း၊ ဆင်းရဲဒုက္ခနဲ့ ကြုံရခြင်းများ၊ ထိုမှဆန့်ကျင်ဘက် ဖြစ်သော လောကဓံကောင်းများ၊ ထိုထိုဤဤ လောကဓံအလီလီကို ကြံ့ကြံ့ခံ တွန်းလှန်နိုင်အောင်လည်း ကြိုးစားကြရမယ်။

မင်းမပါ ဘယ်ဟာမပြီး မင်းချည်းတော့လည်း မပြီး
သူမပါ ဘယ်ဟာမပြီး သူချည်းတော့လည်း မပြီး
ငါမပါ ဘယ်ဟာမပြီး ငါ့ချည်းတော့လည်း မပြီး
မင်းသူငါ ညီညာစုံမှ
အားလုံးစုံ အကုန်ပြီး
ပေါင်းကြစုစည်း။ ဆိုသည့် မြန်မာပြည်က ဆရာတော်များ မိန့်တော်မူသည့်အတိုင်း စည်းလုံးညီညွတ်မှုရှိအောင်လည်း ကြိုးစားကြရမယ်။
“တစ်ယောက်အားဖြင့် မလောက်ပါ၊ အများဝိုင်းကူညီပါ “ ဆိုသော မြန်မာစကားပုံ သဘောတရားပင်ဖြစ်လေသည်။

ဆယ်ကျော်သက်အရွယ်မှာ စာဖတ်ပါ

အော့စဖို့ဒ် တက္ကသိုလ် လူမှုဗေဒဆိုင်ရာ လေ့လာမှု တစ်ခုအရ အသက် ၁၆ နှစ် အရွယ်တွင် စာဖတ် အလေ့အကျင့် ထူထောင်ခြင်းဖြင့် နောင်တွင် ဘ၀အတွက် အသက်မွေးဝမ်းကျောင်းမှုဆိုင်ရာ ပရောဖက်ရှင်နယ်
အလုပ်တစ်ခု မြဲမြဲ ရရှိစေနိုင်ကြောင်း သုတေသနပြု တွေ့ရှိထားသည်။

မကြာခင်က လေ့လာချက်အရ ဆယ်ကျော်သက်အရွယ် အားကစား၊ လူမှုဆက်ဆံရေး၊ ကခုန်ခြင်း၊ ပြတိုက်သွားခြင်း၊ ချက်ပြုတ်ခြင်း၊ ဇာထိုး စက်ချုပ်၊ ကွန်ပြူတာဂိမ်းဆော့ခြင်း စသည်တို့မှာ ပရောဖက်ရှင်နယ် အလုပ်အတွက် အကျိုးပြုမှု သိပ်မရှိလှကြောင်း တွေ့ရှိရသည်။

သုတေသနပြုခဲ့သူ အော့စဖို့ဒ် တက္ကသိုလ်မှ လူမှုဗေဒပညာရှင် Mark Taylor က ၁၉၇၀ ခုနှစ်တွင် မွေးဖွားသူ လူ ၂၀,၀၀၀ ကျော်ကို မေးခွန်းများ မေးခဲ့သည်။ ၄င်း လူ ၂သောင်းရဲ့ အသက် ၁၆ နှစ်အရွယ် ကျောင်းသင်ရိုးပြင်ပ လှုပ်ရှားဆောင်ရွက်မှု မျိုးစုံကို အသေးစိတ် မေးခွန်းများ မေးပြီးနောက် သူတို့ အသက် ၃၃ နှစ်အရွယ် အလုပ်အကိုင်များကို မေးခဲ့သည်။

Taylor ရဲ့ လေ့လာချက်အရ ဆယ်ကျော်သက်အရွယ်တွင် စာဖတ်တဲ့ မိန်းကလေးများမှာ သက်ဆိုင်ရာ ပရောဖက်ရှင်နယ် အလုပ်တစ်ခုရဖို့ ၃၉ ရာခိုင်နှုန်း အခွင့်အရေး ရှိကြောင်းနှင့် စာမဖတ်ဘဲ အခြားလူမှု အားကစားများနဲ့သာ အချိန်ကုန်သူများက ပရောဖက်ရှင်ဖြစ်ဖို့ ၂၅ ရာခိုင်နှုန်းသာ အခွင့်အရေးရှိကြောင်း တွေ့ရသည်။

ဆယ်ကျော်သက် ယောက်ျားလေးများ စာဖတ်ခြင်းက ပရောဖက်ရှင်နယ် အလုပ်အကိုင်ရဖို့ ၅၈ ရာခိုင်နှုန်း အခွင့်အရေး ရှိကြောင်း တွေ့ရသည်။ Talyor ရဲ့ ကောက်ချက်အရ စာဖတ်ခြင်းက စကားပြော စွမ်းရည်ကို ပိုမိုတိုးတက်စေပြီး၊ လုပ်ငန်းခွင် အတွင်း အလုပ်ရှင်များကို ပိုမို စွဲဆောင်နိုင်သည်ဟု ဆိုသည်။

ထို့ကြောင့် ဆယ်ကျော်သက်အရွယ် ပြင်ပဗာဟီရကိစ္စများနှင့် လူမှု့ အားကစားများမှာ အသက် ၃၃ နှစ် အရွယ်တွင် အလုပ်အကိုင်တစ်ခု ရခြင်း မရခြင်း၊ လုပ်ခ လစာ နည်းခြင်း များခြင်းနှင့် လုံးဝမသက်ဆိုင်ကြောင်း တွေ့ရှိရသည်။ အသက် ၁၆ နှစ်အရွယ် စာဖတ် အလေ့အထ ထူထောင်ခြင်းဖြင့်သာ နောင်လုပ်ငန်းခွင်ထဲ လစာကောင်းဖို့ ပရောဖက်ရှင် ဖြစ်ဖို့ သေချာ စေနိုင်သည်။

အလုပ်ရွှေ့ပြောင်းတဲ့အခါ သတိထားစရာ

အလုပ်ရွှေ့ပြောင်းတဲ့အခါ သတိထားစရာ

ပြည်ပရောက် မြန်မာအလုပ်သမားများ အလုပ်တစ်ခုရွှေု့ပြောင်းတော့မယ်ဆိုရင် သတိတရား လက်ကိုင်ထားကာ စဉ်းစားချင့်ချိန်ပြီး ရွှေ့ပြောင်းကြဘို့ ဤဇာတ်ဝတ္ထုပုံပြင် သာဓကဖြစ်ရပ်လေးကို

ဖော်ပြပေးလိုက်ပါတယ်။

တစ်ခါတုန်းက မြတ်စွာဘုရားရှင် ကိုယ်တော်မြတ်သည် ရွာတစ်ရွာကို ဆွမ်းခံကြွတော်မူ၏၊ ရွာသားများက မြတ်စွာဘုရားကို ခဲနဲ့ဝိုင်းပေါက်ကြ၏။ အဲဒီအချိန်မှာ ညီတော်အာနန္ဒာက “မြတ်စွာဘုရား မြတ်စွာဘုရားကို ဒီရွာက ရွာသားတွေက ခဲနဲ့ ၀ိုင်းပေါက်ကြပါတယ်၊ ဒါကြောင့် နောက်တစ်ရွာကို ပြောင်းပြီး ဆွမ်းခံကြွကြရအောင် ဘုရားလို့” လျောက်ပါတယ်၊ဒီတော့ မြတ်စွာဘုရားက ညီတော် အာနန္ဒာကို မိန့်တော်မူပါတယ်၊” အာနန္ဒာ ဒီရွာက ခဲ့နဲ့ပေါက်လို့ နောက်တစ်ရွာကို ပြောင်းမယ်ဆိုတာ တော့ ဟုတ်ပါပြီ၊ နောက်တစ်ရွာက ခဲ့နဲ့ပေါက်ရင် ဘယ်ကို သွားမလဲ”လို့ မေးတော်မူပါတယ်၊ အရှင်အာနန္ဒာကတော့ ဥာဏ်ပညာနုနယ်သေးတဲ့ အချိန်မှာဆိုတော့ “နောက်တစ်ရွာက ခဲနဲ့ပေါက်လျှင် နောက်တစ်ရွာကို ပြောင်းမယ်ဘုရားလို့ “ ပြန်လျှောက်တယ်၊အဲဒီနောက်တစ်ရွာက ခဲနဲ့ပေါက်ရင်ကောဆိုတော့ “နောက်တစ်ရွာက ခဲနဲ့ပေါက်လျှင်လည်း နောက်တစ်ရွာကို ပြောင်းမယ်ဘုရားလို့” ပြန်လျှေက်တယ်၊ နောက်တစ်ရွာက ခဲနဲ့ပေါက်ရင်ကော ဆိုတော့လည်း နောက်တစ်ရွာကို ပြောင်းမယ်ဘုရားလို့ပင် လျှောက်လေ၏၊

အဲဒါနဲ့ မြတ်စွာဘုရားက ဤသို့မိန့်တော်မူပါတယ်၊”အာနန္ဒာ အဲဒိရွာက ခဲ့နဲ့ပေါက်လို့ နောက်တစ်ရွာကို ပြောင်း၊ နောက်တစ်ရွာက ခဲ့နဲ့ပေါက်လို့ နောက်တစ်ရွာကိုပြောင်း၊ မင်းဟာက တစ်ရွာပြီးတစ်ရွာ၊ တစ်နေရာပြီးတစ်နေရာ လိုက်ပြောင်းရင်းနဲ့ မင်းအတွက် နောက်ဆို နေစရာ ကမ္ဘာမြေကြီးတောင် ရှိမှာမဟုတ်တော့ဘူး အာနန္ဒာလို့” ဘုရားရှင်က မိန့်တော်မူပါတယ်၊ဒီမှာ အာနန္ဒာ ဒီရွာက ခဲနဲ့ပေါက်လျှင် ဘာဖြစ်လို့လဲ၊ ဘာကြောင့်လဲဆိုပြီး ပြဿနာဖြစ်ရခြင်းရဲ့ အကြောင်းရင်းကို တွေ့အောင်ရှာ၊ အဲဒီပြဿနာကို ပြေလည်အောင် ဖြေရှင်း၊ ပြီးမှ မင်းပြောင်းချင်ရင်ပြောင်း၊ဒါဆို မင်းကြိုက်တဲ့နေရာမှာ နေလို့ ရတယ်ဟု မိန့်တော်မူပါတယ်၊

ဒါကြောင့်လည်း “တစ်ရွာမပြောင်း သူကောင်းမဖြစ်တဲ့၊ သုံးရွာပြောင်းတော့ သုံးစလောင်းမကျန်ဆိုတဲ့ မြန်မာစကားပုံ ပေါ်လာတာထင်ပါတယ်၊ဒီနေရာမှာ တစ်ရွာမပြောင်း သူကောင်းမဖြစ်ဆိုတာ မှန်ပေမယ့် ပြောင်းတာများရင်လည်း ပြောင်းရင်းပြောင်းရင်းနဲ့ အိုးစလောင်းဖုံး သုံးခုတောင် မကျန်နိုင်အောင် ဆင်းရဲနိုင်တယ်တဲ့၊ မြန်မာပြည်သားများ အလုပ်ရွှေ့ပြောင်းတဲ့အခါ သတိထားဖို့ရန် ရည်သန်လျှက် အထက်ပါ ဇာတ်ဝတ္ထုကို ထုတ်နှုတ်ဖော်ပြပေးလိုက်ရပါကြောင်း၊ ပြည်ပကို ပိုက်ဆံလာရှာကြသူများဖြစ်ကြသည့်အလျှောက် လစာ ပိုက်ဆံနဲလျှင်တော့လည်း “ရေကြည်ရာ မြက်နုရာ” ဆိုတဲ့ မြန်မာစကားပုံအတိုင်း ရွှေ့ပြောင်းကြတာကိုတော့ အပြစ်ဟု မဆိုသာဘူးပေါ့။

ဤစာကို ဖတ်ရှု၍ သင့်ရင်မှာ အသိဥာဏ်တစ်ချက် တိုးတက်လာလျှင်ပဲ ကျနုပ်ရေးသားရကျိူး နပ်ပါပြီ။

နှစ်သစ်မင်္ဂလာ စကားလက်ဆောင်မွန်(ံHapppy Myanmar New Year)

မင်္ဂလာ နှစ်သစ်ပါခင်ဗျာ
HAPPY MYANMAR NEW YEAR
မင်္ဂလာရှိသော မြန်မာသက္ကရာဇ် ၁၃၇၃-ခုနှစ် ဆိုတဲ့ မင်္ဂလာနှစ်သစ်မှာ ပြည်ထောင်စု မြန်မာနိုင်ငံသူ မြန်မာနိုင်ငံသားအားလုံး ပျော်ရွှင်ကြည်နူး ချမ်းမြေ့နိုင်ကြပါစေဟု ဦးစွာဂါရ၀ပြုပါသည်ခင်ဗျာ။

ကျနော်ပြောမယ့် အကြောင်းအရာလေးက လူတိုင်းလူတိုင်းဟာ ကိုယ့်ဘ၀ကို နှစ်သစ်မြတ်နိုး တန်ဘိုးထားကြတယ်ဆိုတဲ့ အကြောင်းလေးပါခင်ဗျာ။

တစ်ခါတုန်းက သူငယ်ချင်းနှစ်ယောက်ရှိ၏၊ တိုသူငယ်ချင်းနှစ်ယောက်သည် စိတ်တူ၊အကြံတူကြ၍ တောထဲသွားပြီး တရားဓမ္မကျင့်ကြံကြလေ၏။

တရားကျင့်စဉ် နှစ်ယောက်သား ကတိသစ္စာပြုကြလေ၏၊ “ဟေ့ သူငယ်ချင်း တကယ်လို့များကွာ ငါတို့နှစ်ယောက် ကွယ်လွန်အနိစ္စရောက်သွားတဲ့ အချိန်ကျရင် မင်းက ကောင်းရာဘ၀ရောက်ပြီး ငါက မကောင်းတဲ့ ဘ၀ရောက်နေလျှင် ငါ့ကိုလာကယ်၊ငါက ကောင်းရာဘုံဘ၀ရောက်ပြီး မင်းက မကောင်းတဲ့ဘုံဘ၀ကို ရောက်နေမယ်ဆိုလျှင် မင်းကို ငါလာကယ်မယ်”ဟု ကတိစကား ထားခဲ့ကြလေ၏။

သူငယ်ချင်းနှစ်ယောက် ကွယ်လွန်အနိစ္စရောက်သောအခါ တစ်ယာက်ကကျီးကန်း ၊တစ်ယောက်က လောက်ကောင်ဖြစ်လေ၏။သူငယ်ချင်းနှစ်ယောက်စလုံးသည် ရှေးကဖြစ်ခဲ့ဘူးတဲ့ဘ၀ကို ပြန်လည်မှတ်မိနိုင်သော ဥာဏ်ပညာရှိကြလေ၏။

တစ်နေ့သောအခါ ကျီးကန်းက အစာရှာရာမှ ပြန်လာပြီး အတိတ်ဘ၀တုန်းက သူငယ်ချင်းဖြစ်သူ ယခု ဘယ်ဘ၀ရောက်နေပါလိမ့်ဟု ဥာဏ်စက္ခုဖြင့် ကြည့်သော် လောက်ကောင်ဘ၀ရောက်၍ မစင်တွင်း၌ မစင်အပုတ်နံ့များကို စားနေရသည်ကို မြင်လေ၏။

ထိုသို့ သူငယ်ချင်း၏ ဆင်းရဲယုတ်နိမ့် အောက်တန်းကျသော ဘ၀ကို မြင်ရသောအခါ ကျီးကန်းသည် အကြံထုတ်လေ၏၊ “ငါ့ သူငယ်ချင်းသည် မစင်တွင်း၌ ဆင်းရဲနိမ့်ကျအောက်တန်းကျစွာ နေနေရသည်၊ ငါသွား၍ ကိုက်ချီသတ်လျှင် သူသည်နောက်ဘ၀၌ လူ့စည်းစိမ် နတ်စည်းစိမ်၊နတ်စည်းစိမ်ကို ခံစားရနိုင်သည်၊ ထို့ကြောင့် ငါတို့ ကတိသစ္စာစကား ရှိသည့်အတိုင်း ငါ့ထက် ယုတ်နိမ့် အောက်တန်းကျသော ငါ့သူငယ်ချင်းဖြစ်ခဲ့ဘူးသူ လောက်ကောင်ကို ငါသွားကယ်မယ်ဟု” အကြံထုတ်၍ ဆုံးဖြတ်ချက်ချလေ၏။

ကျီးကန်းသည် လောက်ကောင်ကို မြင်သောအခါ “ ဟေ့ သူငယ်ချင်း မင်းကို ငါလာကယ်တာကွ၊ အခု မင်းကို ငါ ကိုက်ချီသတ်လိမ့်မယ်နော်”ဟု ပြောလေ၏။

ထိုအခါ လောက်ကောင်က ကျီးကန်းကို ပြန်ပြောလေ၏၊”ဟေ့ သူငယ်ချင်းရာ အခု ငါလည်း လောက်ကောင်မ မိဖုရားပေါင်းများစွာနဲ့ ပျော်မြူးနေရတယ်၊ စားဖို့ နေဖို့စသည်ဘာမှ မပူရဘူး၊ အေးအေးဆေးဆေး ဖြစ်နေတယ်၊ ဒါကြောင့် ချမ်းသာနေတဲ့ ငါ့ဘ၀လေးကို မဖျက်ဆီးလိုက်ပါနဲ့၊ ကတိထားခဲ့တာတော့ မှန်ပါတယ်၊ဒါပေမယ့် ယခု ငါ့ဘ၀လေးကို ငါသာယာနေပြီကွတဲ့၊

ကျနော်ပြောလိုတာက အဲဒါဘဲ ဘ၀ဆိုတာ အဲဒါဘဲ၊လောက်ဖြစ်နေရတာတောင် ကိုယ့်ဘ၀ကိုယ် ပျော်မြူး နှစ်သက် တပ်မက်နေကြသေး၏၊ စွဲလန်းနေကြသေး၏၊၊ ခွေးသည်လည်း ဒုတ်နှင့်ရိုက်လျှင် ထအော်၍ ထွက်ပြေး၏၊ ငှက်သည်လည်း လောက်စလေးခွနှင့် ချိန်လျှင်ပင် ထပြန်၍ပြေးလေ၏၊

ထိုသို့သော သဘောတရားများကို နှလုံးသွင်း၍ သာယာနေတဲ့ လူသားတို့ ဘ၀လေးများကို မဖျက်ဆီးမိကြစေရန် သတိထား ရှောင်ကြဉ်သင့်၊မသင့် ကိုယ်နှင့် နှိုင်းယှဉ်၍ ကိုယ်ချင်းစာတရား မေတ္တာ၊ကရုဏာ၊မုဒိတာတရားများ လက်ကိုင်ထား ပွားများသင့်ကြောင်း အကြံကောင်းလေးတစ်ချက် သတိကပ်စေဘို့ မှတ်သားစရာ ပုံလေးတစ်ခု နှစ်သစ်ဦးစကား လက်ဆောင်ဆုအဖြစ် ဝေမျှပေးလိုက်ရပါသည်ခင်ဗျား။

မောင်သန်းထွန်း(ခေတ္တ-ထိုင်းနိုင်ငံ၊ဘန်ကောက်)

(အသိပေးခြင်း)အထည်ချုပ်စက်ရုံမှ မြန်မာလုပ်သား လူငယ်လေးတစ်ယောက် ပေးပို့လာသော
စကားလက်ဆောင်လေးကို စာဖတ်ပရိသတ်အတွက် ဝေမျှပေးလိုက်ရပါသည်။
 

နွေဦး ဒိုင်ယာရီ

လေရူးနှောက်ခါမှ နွေဦးရောက်ပါလား မလုပ်နဲ့
မနေ့က ငါ့ နှာခေါင်းဝမှာ အင်ကြင်ပန်းနံ့တွေ ရတယ်...
တစ်နှစ်တာ ငါ့ ဒိုင်ယာရီ စာမျက်နှာတွေထဲမှာ
ဒီနွေကာလကတော့ .....
မှတ်သားစရာဗလပွနဲ့ ပြဿဒါးကာလ..
ရွက်ဟောင်းတွေနေရာကို ရွက်သစ်တွေနဲ့ အစားထိုးကြ
လူဟောင်းတွေနေရာကို လူသစ်တွေနဲ့ အစားထိုးကြ
သူတော်ကောင်းတွေနေရာကို သူယုတ်မာတွေနဲ့ အစားထိုးကြ
ဒါတွေဟာ ပြောင်းလဲခြင်းနိယာမတွေမို့ ခေါင်းခဲစရာတွေတော့ မဟုတ်ပါဘူး..
ယခင်တုန်းက တပေါင်း တန်ခူးဟာ အကြောင်းမထူးခဲ့ပေမဲ့
ဒီနှစ်တပေါင်းတန်ခူးကတော့ အကြောင်းထူးပြီလေ..
ယခင်က ငလျင်ဆိုတာ ရင်ခုန်စရာမကောင်းခဲ့ပေမယ့်
အခုတော့ သူ့ရဲ့ရင်ခုန်နှုန်းက ...
(၁၆)နှစ်သမီးရင်ခုန်နှုန်းထက် ပြင်းထန်တယ်ဆိုတာ
ရှမ်းပြည်တာလေ အက်ကွဲကြောင်းတွေက သက်သေပြနေပြီ မဟုတ်လား..
ဂျပန်ပြည် ငလျင်သံစဉ်တွေက
မြန်မာပြည် တာလေထိ ချီတက်လာခဲ့လို့
မသတီစရာတွေနဲ့ ကြုံခဲ့ရတယ်ဆိုတာ
ကမ္ဘာတစ်လွှားထိ တုန်လှုပ် ချောက်ခြားသွားခဲ့ရတဲ့ အထိပါဘဲ....
အခုတလော ကြားနေရတဲ့ ၀မ်းသာစရာ သတင်းတစ်ပုဒ်က
ဘာသာရေး စိတ်မ၀င်စားတဲ့ တာလေက လူအချို့
အခုတော့ ဘာသာရေးကို စိတ်ဝင်စားလာကြပြီတဲ့လေ..
လက်တွေ့ပြမှ ယုံချင်တဲ့သူတွေအတွက် ကမ္ဘာမြေကြီးက ဖန်တီးပေးလေရော့သလား
တော်ပါသေးရဲ့ တစ်စစီ ကျိုးပဲ့သွားအောင်ထိ် မလှုပ်ခါလိုက်လို့
ငလျင်ဒဏ်သင့်ဒေသကလူတွေ ငြီးငြူကြတာဟာ သဘာဝကျပေမယ့်
ဘာမဆိုင် ညာမဆိုင် ငလျင်မခတဲ့ ပြည်ပကလူတွေကလည်း
အပြိုင်အဆိုင် ငြီးငြူလာကြတာကတော့ သဘာဝမကျသလိုဘဲ
လက်တွေ့ကျကျ ပြောရရင် ဘန်ကောက်က လူတွေက ထိပ်ဆုံးက ဖြစ်လေမလား
အချို့က ယာယီပတ်စပို့စာအုပ်လုပ်ဘို့ အတွက်
အချို့က ၀ပ်ပါမစ်(work permit)လုပ်ဘို့အတွက်
အချို့က စက်ရုံသစ်မှာ အလုပ်ပြောင်းစမတ်ဘို့အတွက်
အချို့က လုပ်မစားနိုင်တော့လို့ အမိနိုင်ငံ ပြန်ဘို့အတွက်
အချို့က အမိနိုင်ငံက သားသမီးတွေရဲ့ စားဝတ်နေရေးအတွက်
အချို့က ရည်းစားကို လက်ထပ်လက်စွပ်ဝယ်ပေးဘို့အတွက်
အို...အားလုံးကို ရှုတ်နေတာဘဲ..
ဒါပေလည်း ညနေဆည်းဆာမှာတော့ သူတို့တွေ ဘီယာသောက်မပျက်ကြသလို
အသောမတတ်နိုင်တဲ့ အာရုံတွေဘက်လည်း သူတို့တွေ လိုက်စားမြဲ လိုက်စားနေကြဆဲပါဘဲ..
""ဆင်းရဲမွဲတေနေတာဟာ ရှက်စရာမဟုတ်
၎င်းဆင်းရဲတွင်းမှ လွတ်မြောက်အောင် ရုန်းမထွက်ခြင်းသည်သာ ရှက်စရာဆိုတဲ့""
ပညာရှိတွေရဲ့ မိန့်မှာစကား သူတို့တွေ မမှတ်သားကြလေရာ့သလား
တကယ်တော့ သူတို့တွေဟာ...
ပျားကောင်တွေလို မကျင့် ယင်ကောင်တွေလိုသာ ကျင့်ကြသူတွေပေါ့
ပျားကောင်တွေက အရည်စုတတ်လို့ ချမ်းသာကြပေမယ့်
ယင်ကောင်တွေက အရည်မစုတတ်ကြလို့ ဆင်းရဲမွဲတေနေကြတာဟာ
သူတို့တွေအတွက် သင်ခန်းစာ ယူစရာ ဇာတ်လမ်းတစ်ပုဒ်ပါဘဲ...
ငါ့ နွေဦးဒိုင်ယာရီ ရေးမှတ်လို့ ပြီးလုဆဲဆဲမှာဘဲ
အမှတ်မထင် ဖုန်းဝင်လာတယ်
"တာလေမှာ ငလျင်အသေးစားလေးတွေ အခုထိ လှုပ်နေဆဲပဲတဲ့"
အင်း .......
ဒီနှစ်နွေဦးမှာ ဘယ်တော့မှ ဥသြတွန်သံ ကြားရပါ့မလဲ...

(7-Apri-2011)ည အမှတ်တရ

..

" နွေဦး ဒိုင်ယာရီ "အတွက် သင့်အမြင်လေး ပြောခဲ့ပါဦး

ထိုင်းနိုင်ငံရောက် မြန်မာမိသားစုများ၏ အတာသင်္ကြန်အက(၁၃၇၂-ခုနှစ်)

ချစ်သော ကမ္ဘာမြေသို့

အို ... ကမ္ဘာမြေ
နှုတ်ဆက်လိုက်တယ်
(သင်)ငြိမ်းချမ်းပါစေ။

...အို ... ကမ္ဘာမြေ
အားလုံးသိတယ်
မင်းနေမကောင်းဖြစ်ခဲ့တာကြာပြီပဲ ... ။

မွန်းကြပ်တဲ့CO2အောက်မှာ
မင်းအသက်ရှုသံလည်း ဖုတ်လှိုက်၊ ဖုတ်လှိုက်ဖြစ်လို့
မင်းအဆီအနှစ်တွေလည်း ခမ်းခြောက်လို့
မင်းအရည်ကြည်ဓါတ်တွေ ယုတ်လျော့လို့
မင်းဝတ်တဲ့အင်္ကျီလည်း ပေါက်ပြဲလို့
မင်းအသွေးအသားရဲ့  စိမ်းလန်းမှု ဘယ်မှာလဲ...။

လှပတဲ့ အများခေါ်တဲ့ မင်းနာမည်
နွေးထွေးတဲ့ “ အမိ ကမ္ဘာမြေ ”
၂၁ ရာစုစ မင်းနာမည်သစ် “ Endangered Earth”
“အန္တရာယ်ကြုံနေရတဲ့ ကမ္ဘာမြေ” တဲ့
သဘာဝဒဏ်တွေ ခြိမ်းခြောက်ခံနေရတဲ့ မင်း
ကိုယ့်ခန္ဓာပိုးတွေရဲ့  လှိုက်စားမှုဒဏ် ခံနေရတဲ့ မင်း
ရောဂါဆိုးတွေ တစ်မျိုးပြီးတစ်မျိုးကလည်း
အပေါင်းအဖော်ပြုလို့ ... ။

မင်းသက်တမ်းစေ့ မနေနိုင်မှာစိုးရိမ်မိတယ် ကမ္ဘာမြေ
မင်းခန္ဓာအပူရှိန်လည်း တရိပ်ရိပ်တတ်လို့
မင်းကိုယ်မင်းလည်း မထိန်းနိုင်တော့ဘူး
မင်းရင်ခုန်သံတွေလည်း ပြင်းထန်လိုက်တာကွယ်
ကြားရသူတွေ တုန်လှုပ်ကုန်ရတယ် ... ။

ဒါတွေဟာ ဘယ်သူ့ကြောင့်လဲ ကမ္ဘာမြေ
ငါ ချစ်တဲ့ ကမ္ဘာမြေ
ငါ မှီတင်းတဲ့ ကမ္ဘာမြေ
ဒါတွေဟာ ဘယ်သူ့ကြောင့်များလဲကွယ်...။

အို ... ကမ္ဘာမြေ
ဆုတောင်းလိုက်တယ်
(သင်) ကျမ်းမာပါစေ ။ ။ ။

(အမှာ)ငလျင်ဒဏ်သင့်သူများအတွက် ၀မ်းနည်းခြင်း အထိမ်းမှတ်အဖြစ် ဖော်ပြပါသည်။

ဘာသာပြန်ဆိုသူ-(((အမ်အယ်လ်)))

ကမ္ဘာမြေကြီး စိတ်ဆိုးခြင်း(သို့မဟုတ်)ရှမ်းပြည်အရှ့ပိုင်းငလျင်လှုပ်ခါမှုမှတ်တမ်း

ရှမ်းပြည်အရှေ့ပိုင်း အားပြင်းငလျင်ကြောင့် လူ(၁၀၀)ကျော်သေဆုံး

ရှမ်းပြည်အရှေ့ပိုင်း လွယ်မွေဒေသကို ဗဟိုပြု၍ ယမန်နေ့ညက လှုပ်ခတ်ခဲ့သည့် ပြင်းအား ၇ ရစ်ချတ်တာ စကေးရှိ ငလျင်ကြောင့် လူ ၁၀၀ ကျော် သေဆုံးနိုင်ကြောင်း ဒေသခံများနှင့် ကူညီကယ်ဆယ်ရေး အဖွဲ့များက ပြောသည်။

ငလျင် ဗဟိုချက်ပြုရာ ဒေသမြေပုံ (AP)

ငလျင်သည် မြန်မာစံတော်ချိန် ည ၈ နာရီ ခွဲခန့်တွင် လှုပ်ခတ်ခဲ့ခြင်းဖြစ်ပြီး အနီးအနားတ၀ိုက်ရှိ တာချီလိတ်၊ တာလေ၊ မိုင်းလင်း စသည့် မြို့များတွင် ထိခိုက်သေဆုံးမှု အများဆုံးဖြစ်သည်။

စစ်အစိုးရ မီဒီယာများကမူ ယနေ့ မွန်းလွဲအထိ သေဆုံးသူစုစုပေါင်း ၇၄ ဦး၊ ဒဏ်ရာရသူ ၁၁၁ ဦး၊ အိမ်ခြေပေါင်း ၃၉၀၊ ဘုန်ကြီးကျောင်း ၁၄ ကျောင်းနှင့် ဌာနဆိုင်ရာ အဆောက်အဦး ၉ လုံးလည်း ပျက်စီးကြောင်း ကြေညာသည်။

သို့သော် အတည်မပြုနိုင်သေးသော ဒေသသတင်းများအရ တာလေမြို့နယ် တမြို့နယ်တည်းတွင်ပင် သေဆုံးသူ ၁၂၀ ခန့်ရှိနိုင်ကြောင်း သိရသည်။

တာလေမြို့ခံတဦး၏က အိမ်များမှာ ရှေးအိမ်အို အိမ်ဟောင်းဖြစ်သည့်အတွက် သေဆုံးသူ အများအပြားရှိခြင်း ဖြစ်ကြောင်း တာလေမြို့နယ် ဆေးရုံလည်း ပျက်စီးသွားပြီး တာလေ အခြေစိုက် ခြေမြန်တပ်ရင်း ၃၁၆ တွင်မူ စစ်တန်းလျား ပြိုကျ၍ ၁၇ ဦးသေဆုံးကြောင်း ဧရာဝတီက စုံစမ်းသိရှိရသည်။

တာလေနှင့် တာချီလိတ်အကြား ဆက်သွယ်ထားသည် တံတားတစင်းလည်း ကျွံကျ ပျက်စီးသွားကာ ကားအသွားအလာ ရပ်ဆိုင်းသွားသည့်အတွက် ဒဏ်ရရှိသည့် လူနာများကို တဖြည်ဖြည်းချင်း တာချီလိတ် ဆေးရုံသို့ ပို့နေကြောင်း ဒေသခံတဦးက ဆိုသည်။

ထိုဒေသမှ ပြည်သူများမှာ ငလျင် နောက်ဆက်တွဲ လှုပ်ခတ်မည်ကို စိုးရိမ်နေကြကြောင်း၊ ကျိုင်းတုံ၊ တာလေ၊ တာချီလိတ်သွား ကားလမ်းကို စစ်တပ်က လုံခြုံရေး အပြည့်ယူထားလိုက်ပြီး ခရီးသွားလာမှုများကို စစ်ဆေးမေးမြန်းမှုများ ပြုလုပ်နေကြောင်း သိရသည်။

တာချီလိတ်မြို့တွင် ထရန်စဖော်မာ နှစ်လုံးပျက်စီးသွားသည့်အတွက် တချို့သောရပ်ကွက်များတွင် လျှပ်စစ်မီး ပြတ်တောက်သွားကြောင်း၊ ပျက်စီးမှု အနည်းငယ်ရှိသော်လည်း နောက်ဆက်တွဲ ငလျင်အသေးစားများကြောင့် လူအများမှာ အဆောက်အဦးများ၊ မီးကြိုးများနှင့် လွတ်ကင်းရာ လမ်းမများပေါ်နှင့် ဘောလုံးကွင်းအတွင်း၌ ညအိပ်ခဲ့ရကြောင်း တာချီလိတ်မြို့ခံတဦးက ပြောသည်။

စစ်အစိုးရရုံးစိုက်ရာ နေပြည်တော်နှင့် ရန်ကုန်၊ မန္တလေးမြို့ကြီးများတွင်ပါ ငလျင်ဒဏ် ရိုက်ခတ်မှုရှိခဲ့ကြောင်း သိရသည်။

အမေရိကန်နိုင်ငံရှိ ငလျင်လေ့လာရေး ဌာနကလည်း ထိုင်းနိုင်ငံ ချင်းရိုင်မြို့ မြောက်ဖက် ၆၉ မိုင်အကွာရှိ ဒေသကို ဗဟိုပြုကာ အားပြင်းသည့် ငလျင် ၂ ခု လှုပ်ခဲ့ကြောင်း အတည်ပြုခဲ့ပြီး မြို့တော် ဘန်ကောက်နှင့် ဗီယက်နမ်နိုင်ငံမြို့တော် ဟနွိုင်းရှိ ပြည်သူများ လမ်းမများပေါ်သို့ ထွက်ပြေးကြကြောင်း သတင်းများက ဖော်ပြသည်။

ပြီးခဲ့သည့် ရက်ပိုင်းအတွင်းကပင် ဂျပန်နိုင်ငံ အရှေ့မြောက်ဒေသတွင် ပြင်းအား ၈.၉ မဂ္ဂနီကျု အဆင့်ရှိ တိုဟိုကု (Tohoku) ငလျင်ကြီးကြောင့် ၄ ထပ် အဆောက်အအုံအမြင့်ခန့် မြင့်မားသည့် ဆူနာမီရေလှိုင်းကြီးများ ဖြစ်ပေါ်ပြီး အရှေ့ဘက် ကမ်းရိုးတန်းတလျှောက်တွင် ကြီးမားလှသော ပျက်ဆီးဆုံးရှုံးမှုများ၊ အသေအပျောက်များ ဖြစ်ခဲ့သည်။

ဆူနာမီ ရေလှိုင်းကြီးများကြောင့် ရှင်ဒိုင်းမြို့တွင် လူပေါင်း သောင်းချီသေဆုံးခဲ့ပြီး လျှပ်စစ်ဓာတ်အား ထုတ်လုပ်သည့် နျူကလီးယား ဓာတ်ပေါင်းဖိုများပါ ထိခိုက်ပျက်စီးမှုများ ရှိခဲ့သည်။

ဂျပန်ငလျင် မတိုင်မီတွင် တရုတ်နိုင်ငံနှင့် မြန်မာနိုင်ငံ နယ်စပ်တို့၌ ပြင်းအား ၅.၄ ရှိ ငလျင်ကြောင့် စူပါမားကတ်၊ ဟိုတယ်နှင့် အိမ်များပြိုကျရာမှ ၁၄ ဦးသေဆုံးပြီး ၁၃၀ ကျော် ဒဏ်ရာရရှိခဲ့သည်။

ပြီးခဲ့သည့် ဖေဖော်ဝါရီလအတွင်းကလည်း ပစိဖိတ်သမုဒ္ဒရာ အတွင်းရှိ နယူးဇီလန်နိုင်ငံမှ ဒုတိယ အကြီးဆုံးမြို့တော် ခရစ္စချာ့ခ်ျတွင် လှုပ်ခတ်ခဲ့သည့် ပြင်းအား ၆.၃ အဆင့်ရှိ ငလျင်ကြောင့် ၇၅ ဦးသေဆုံးကာ အမေရိကန် ဒေါ်လာ ၁၂ ဘီလျံဖိုးခန့် ပျက်စီးဆုံးရှုံးခဲ့သည်။

မြန်မာနိုင်ငံတွင် စစ်ကိုင်း ငလျင်ကြော၊ ဂွေးချို ငလျင်ကြော၊ မိုးမိတ် ငလျင်ကြော၊ ကဘော် ငလျင်ကြော၊ မြောက်ဦး ငလျင်ကြော၊ ကျောက်ကြမ်း ငလျင်ကြော၊ ဖာပွန် ငလျင်ကြောနှင့် ဘုရားသုံးဆူ ငလျင်ကြော တို့ရှိပြီး အကြီးအကျယ်ဆုံး လှုပ်ခတ်ခဲ့သည့် ငလျင်များမှာ ၁၈၃၉ ခုနှစ်တွင် လှုပ်ခတ်သည့် အင်းဝငလျင်၊ ၁၉၂၇ ခုနှစ်တွင် လှုပ်ခတ်သည့် ပဲခူးငလျင်၊ ၁၉၃၀ ခုနှစ်တွင် ဒုတိယ အကြိမ် လှုပ်ခတ်သည့် ပဲခူးငလျင်၊ ၁၉၇၅ ခုနှစ်တွင် လှုပ်ခတ်သည့် ပုဂံငလျင်တို့သည် အပျက်အစီး အကြီးမားဆုံး ဖြစ်သည်။

• တာချီလိတ်မြို့အနီးရှိ တာလေကို သွားရောက်ကူညီခဲ့သူတစ်ဦးရဲ့ ပြန်လည်ပြောပြချက်

(ငလျင်ဒဏ်ခံရတဲ့ အထဲမှာ အဆိုးဆုံးထဲက တစ်နေရာဖြစ်တဲ့ တာလေမြို့ကို သွားရောက်ကူညီခဲ့သူတစ်ဦးကို ဧရာဝတီသတင်းထောက် ကိုထွေးက ဆက်သွယ် မေးမြန်းထားတာဖြစ်ပါတယ်။ သွားရောက်ကူညီတဲ့သူက သူမြင်တွေ့ခဲ့တာတွေကို အခုလို ပြန်လည်ပြောပြထားပါတယ်။ ဦးတေဇပိုင် ထူးကုမ္ပဏီက ငလျင်ဒဏ်ခံဒေသမှာ သွားရောက်လှူဒါန်းဖို့ စီစဉ်ပြီး ရန်ကုန်က သတင်းထောက်တွေကိုလည်း လေယာဉ်နဲ့ အခမဲ့ခေါ်သွားဖို့ စီစဉ်ပေမယ့် စစ်အစိုးရ ခွင့်မပြုဘူးလို့ လတ်တလော ဝင်လာတဲ့ သတင်းတွေအရ သိရပါတယ်။ နာဂစ်နဲ့ ဂီရိ ဆိုင်ကလုန်းတုန်းကလိုပဲ လှူချင်ရင် သူတို့ကိုပဲ လှူလို့ လုပ်မလားတော့ မသိပါ။)

မနက် ၁၀ နာရီ ကျော်ကျော်လောက် တာလေ ရောက်သွားတယ်။ ကားလမ်းဘေး တဘက် တချက်စီမှာရှိတဲ့ သုံးထပ်အိမ်တွေ ခပ်များများက ၂ ထပ်ပဲကျန်တယ်။ ၂ ထပ်အိမ်တွေလည်း တော်တော်များများ ပြိုကုန်တယ်။ ပြိုကျတဲ့ အထဲမှာ ဘုန်းကြီးကျောင်းတွေလည်း ပါတယ်၊။ တချို့ အိမ်တွေကလည်း နှစ်ပေါင်း ၂၀ လောက်ရှိတော့ ပိုဆိုးတာပေါ့။

တာလေက လူတွေတော့ မပြောနဲ့၊ တာချီလိတ်က လူတွေတောင် ညက မိုးကာခင်းပြီး အိပ်ရတာ။ တာလေ ရောက်တော့ တချို့တွေက ကိုယ့်အိမ်က ပစ္စည်းတွေကို ကိုယ့်ဘာသာကိုယ် ရှင်းနေတာတွေလည်း တွေ့ရတယ်။ နောက်ပြီး အမျိုးတွေရဲ့ အိမ်ရှေ့မှာ ငိုတဲ့သူငိုနေကြတယ်။ ဆွေမျိုးသားချင်းတွေ အသက်ဆုံးရှုံးသွားလို့ ငိုနေတဲ့သူတွေလည်း တွေ့ရတယ်။ ဘာမှတော့ မေးလို့မရဘူး၊ တချို့မသေတဲ့ သူတွေကတော့ ကံကောင်းတယ်ပြောရမှာပေါ့။


အစိုးရကတော့ ဘာမှ မလုပ်ပေးသေးဘူးရော။ တချို့လည်း ဆေးရုံကိုပို့တယ်။ ဒါပေမယ့် ဆေးရုံတော့ မရောက်လိုက်လို့ မသိဘူး။ ကျနော်တွေ့သလောက်တော့ တာချီလိတ်မှာကို အယောက် ၆၀ လောက်ရှိနေပြီ။ ဟိုမှာလည်း ၂၀၊ ၃၀ လောက်တွေ့ခဲ့ရသေးတယ်။ အဲဒီအထက်မှာပဲ ရှိမှာပါ။

ပစ္စည်းတချို့နဲ့ ခေါက်ဆွဲထုတ်တွေ၊ ရေတွေ သွားပေးတယ်။ ဌာနဆိုင်ရာကိုပဲ ပေးခဲ့တယ်။ နောက်ပိုင်း ဌာနဆိုင်ရာက ဘာလုပ်မယ်ဆိုတာတော့ ပြောလို့မရဘူး။ ဌာနဆိုင်ရာက ကယ်ဆယ်ရေး စခန်းတော့ ဖွင့်ထားတယ်။ အသိရှိတဲ့သူတွေကတော့ အသိအိမ်ကို သွားတယ်။

အခုတော့ အဝေးပြေး လမ်းလည်း ခဏပိတ်လိုက်တယ် ထင်တယ်။ လမ်းတွေဘာတွေ နည်းနည်း ပြင်မယ်လို့တော့ ပြောတယ်။

(အသိပေူခြင်း)သတင်းနှင့် မှတ်တမ်း ဓာတ်ပုံများကို ဧရာဝတီဆိုဒ်၂ခုမှ ကူးယူဖော်ပြပါသည်။

အလောင်းတော်ကဿပသို့ နွေရာသီဘုရားဖူးခရီး

အလောင်းတော် ကဿပ၏ ပရိနိဗ္ဗာန်ပြုတော်မူဟန်ရုပ်ပွားတော်များ

နွေရာသီ တပေါင်းလရောက်တိုင်း အလောင်းတော်ကဿပဘုရားဖူးခရီးစဉ်မှတ်တမ်း ရေးဘို့ရန်စိတ်ကူးခဲ့ပေမယ့် လက်တွေ့အနေနဲ့ မရေးဖြစ်ခဲ့ပါပေ။ ယခုတော့ အမှတ်မထင် ခရီးသွားမှတ်တမ်းရေးတာကို အင်မတန် ၀ါသနာပါတဲ့ သူငယ်ချင်းတစ်ယောက်နဲ့ တွေ့မိပြီး စကားစမြည်ပြောကြရင်း အလောင်းတော်ကဿပဘုရားအကြောင်း

ပြောဖြစ်ရာကနေ သူငယ်ချင်းရဲ့ တိုက်တွန်းချက်အရ ယခုလိုရေးဖြစ်ခဲ့တာပါ၊

စာရေးသူရဲ့ ခရီးသွားအတွေကြုံနဲ့သူငယ်ချင်းရဲ့ ခရီးသွားအတွေ့ကြုံ နှစ်ခုကို

ပေါင်းစပ်ပြီး ခရီးသွားမှတ်တမ်းအနေနဲ့သာ မဟုတ်ဘဲ

သမိုင်းမှတ်တမ်းအနေနဲ့ပါ ရေးသားသွားပါ့မယ်။( ဤမှတ်တမ်း၌ မိမိ၏ကိုယ်ရေးကိုယ်တာ ကိစ္စများကို

ထည့်သွင်းရေးသားသွားမည် မဟုတ်ကြောင်း ကြိုတင်အသိပေးပါရစေ)

တောထဲ တောင်ထဲရောက်စဉ် ကားသမားများက တောပိုင်တောင်ပိုင်များကို ပူဇော်ပသကြစဉ်

သူငယ်ချင်းကတော့ ၄င်းဘုရားဖူးခရီးစဉ်ကို မကြာသေးခင်ကမှ ရောက်ရှိထားသူဖြစ်ပြီး ဤစာရေးသူကတော့
အလောင်းတော်ကဿပကို ရောက်ခဲ့တာ ၈နှစ်လောက်ရှိခဲ့ပြီမို့ အချိန်ကာလအနေနဲ့ အတော်ပင်ကြာငြောင်းခဲ့ပါပြီ၊မည်သို့ပင်ဆိုစေ သမိုင်းမှတ်တမ်းတွေကတော့ ပြောင်းသွားရိုးထုံစံမရှိပါပေ၊ ယခင်က ဘုရားဖူးခရီးမှတ်တမ်းနဲ့ ယခုဘုရားဖူးမှတ်တမ်းကတော့ ခေတ်လကာလအခြေနေရ အနဲငယ်ပြောင်းလဲလာတာကို တွေ့ရပါတယ်၊ အနီးစပ်ဆုံးအထင်သာဆုံးပြောရရင် စာရေးသူတို့ခေတ်ကာလက အလောင်းတော်ကဿပကို ခြေလျှင်ခရီးတစ်ခုတည်းဖြင့်သာသွားလို့၇သော်လည်း ယခုအချိန်မှာတော့ မော်တော်ကားကြီးများဖြင့် သွားလို့ရနေပါပြီ၊ ယခင်က စာရေးသူနေထိုင်ရာ
ဇာတိနယ်မြေမှ သွားလျှင် တစ်နေကုန်တစ်ညခမ်း လမ်းလျှောက်မှ အလောင်းတော်ကဿပသို့ ရောက်ရှိနိုင်ပါ၏၊

လမ်းခရီးက အရမ်းရှည်သောကြောင့် လမ်းမှာ စားသောက်ဘို့ရန်အတွက် ချက်ပြုတ်စရာ အစားစာများနှင့်
ဒယ်အိုးပုဂံအိုးခွက်များသာမက ဓားများကိုပါ ယူဆောင်လာရပြီး လမ်းခရီးအဆင်ပြေတဲ့နေရာမှာ စခန်းချအနားယူပြီးပါလာတဲ့ စားနပ်ရိက္ခာတွေကို ချက်ပြုတ်စားသောက်ကာ သစ်ပင်အောက်တွေမှာ သစ်ကိုင်းသစ်ရွက်တွေကို တဲထိုးပြီးခေတ္တခဏ အမောပြေ အိပ်စက်ပြီး ခရီးဆက်ကြရပါတယ်၊ရောက်ရှိတဲ့တောအုပ်တွေထဲမှာ ရေသောက်ဘို့
ပါလာတဲ့အိုးခွက်နဲ့ ရေခပ်ခပ်တဲ့အခါမှာလည်း စောင်းပီးမခပ်မိဘို့ အတွေ့ကြုံရှိထားတဲ့ခရီးသည်များက လူငယ်တွေကိုဆုံးမကြတာကို အခုထိအမှတ်ရနေပါသေးတယ်၊အကယ်၍ ရေခပ်တဲ့အခါမှာ အိုးခွက်နဲ့ စောင်းခပ်ပါက ကျားဆွဲခံရတတ်ကြောင်း ပြောပြကြပါတယ်၊ နောက်ပီး ဤအလောင်းတော်ကို လာတဲ့အခါမှာ သမီးရည်းစားစုံတွဲများ အတူလာပါကအပြန်မှာ ရည်းစားကွဲတတ်ကြောင်းလည်း ကြားခဲ့ဖူးပါတယ်၊(တကယ်ဟုတ်မဟုတ်တော့ သေချာမသိပါဘူး
ကြားဖူးတာလေးကို ဝေမျှတာပါ) နောက်အရေးကြီးတာကတော့ တောထဲတောင်ထဲ ဖြတ်လျှောက်နေစဉ်မှာ
ရိုင်းစိုင်းသော စကားလုံးများ ဆဲဆိုမှုများ မဲပြုမိဘို့လည်း ခရီးသွားဖော်အချို့က သတိပေးကြတာကို တွေ့ရပါတယ်။

ဆင်စွယ်အလှကို အနီးကပ် ကြည့်ရှုနေကြသည့် ဘုရားဖူးခရီးသည်များ

စာရေးသူတို့ သွားခဲ့စဉ်တုန်းကတော့ ဇာတိရွာကနေ ညနေ(၄)နာရီအချိန်လောက်ကနေ စထွက်ခဲ့ကြရာ အလောင်းတော်ကဿပ တောင်ထိပ်ကို နောက်နေ့မနက်(၉)နာရီအချိန်လောက်မှာ ရောက်ရှိကြပါတယ်၊တပေါင်းလပြည့်ခါနီး ဘုရားပွဲကာလဖြစ်လို့ ဘုရားရင်ပြင်ပေါ်မှာ ရှိတဲ့ ဓမ္မာရုံတွေ ဇရပ်တွေမှာ ဘုရားဖူးလာတဲ့ ရဟန်းရှင်လူတွေနဲ့ ပြည့်နှက်နေတဲ့အတွက် နီးစပ်ရာ သစ်ပင်အောက်တွေမှာ တဲထိုးပီး ချမ်းစိမ့်စိမ့်နဲ့ အိပ်ခဲ့ရတာကလည်း ပျော်စရာတစ်ခုပါဘဲ၊ နွေခေါင်ခေါင် တပေါင်းလဖြစ်ပေမယ့်လည်း တောင်ထိပ်မှာတော့ အတော်လေးချမ်းအေးတာမို့ မနက်စောစော အိပ်ရာထပီး မီးပူလှုံကြရတာဟာလည်း အရသာတစ်မျိုးပင်၊ သစ်ပင်အောက်တွေမှာ မီးဖိုကိုယ်စီနဲ့ အုပ်စုဖွဲ့ နံနက်စာအဖြစ် ဘူးသီးကြော်ပူပူနဲ့ ထမင်းကြမ်း သုံးဆောင်ကြရတာတွေဟာလည်း မမေ့နိုင်စရာတွေပါဘဲ၊ တောင်ထိပ်ဘုရားရင်ပြင်ပေါ်ကနေတဆင့် နတ်ရေကန် နတ်ရေတွင်း၊ ကျွန်းပင်မောင်နှမ၊ အလောင်းတော်ကဿပ ပရိနိဗ္ဗာန်ပြုရာ ကျောက်ဂူပေါက်ဝ၊ ရှင်သူငယ်ထွက်ပေါက်၊နှင့် အဇာသတ်မင်း၏ ကောင်းမှူတော် လွမ်းစေတီ စတဲ့ နေရာများသို့ သွားရတာကလည်း မမောနိုင်မပန်းနိုင်ပေါ့၊ ညနေချမ်း ဘုရားရင်ပြင်ပေါ်မှာ အေးစိမ့်စိမ့်နဲ့ အလောင်းတော်ကဿပသမိုင်းကြောင်းဖွဲ့ဆိုထားတဲ့ သီချင်းသံကလည်း အခုထိ နားထဲမှာ စွဲနေဆဲမို့ နောက်တစ်ခေါက်တောင် သွားချင်စိတ် ဖြစ်ခဲ့မိတာအမှန်ပါ။

ဘုရားဖူးပြည်သူများကို တောင်ပေါ်အရောက် ပို့ပေးနေတဲ့ သစ်တောဦးစီးဌာနက ဆင်ကြီးများ

စာရေးသူကြားဖူးတာကတော့ အလောင်းတော်ကဿပထေအရှင်ဟာ ဟိုရှေးအတိတ်ကာလ ခလေးဘ၀တုန်းက အပျော်သဘောမျိူးနဲ့ ငှက်တစ်ကောင်ကို ခွင်စဖိုကျောက်ခဲလုံးတွေနဲ့ ဖိပီးသတ်ခဲ့တဲ့ အကုသိုလ်အကျိူးဆက်ကြောင့် အခုလို ကျောက်ဂူထဲမှာ ပိတ်ပီးပရိနိဗ္ဗ္ဗ္ဗ္ဗာန်ပြုရကြောင်း မှတ်သားဖူးပါတယ်။(ယခုအချိန်ထိ ကျောက်ဂူတံခါးကြီးဟာ ပိတ်လျှက်သားရှိနေပါတယ်၊သို့သော်လည်း ပြီးခဲ့တဲ့နှစ်က ကျောက်ဂူတံခါးကြီးဟာ ၁၅မိနစ်ကြာလောက် ပွင့်နေကြာင်း ကောလာဟလဖြစ်ခဲ့ပါသေးတယ်၊တကယ်ပွင့်မပွင့် သေချာမသိပါ၊သိူ့သော်လည်း တစ်ခါက ကိုရင်လေးတစ်ပါး ကျောက်ဂူထဲ ၀င်သွားရာ ပြန်ထွက်ရာမှာတော့ ကျောက်ဂူတံခါးကြီးက သူ့အလိုလို ပိတ်သွားလို့ အခြားတစ်နေရာကနေ အပေါက်လုပ်ပြီး ထွက်ခဲ့ရာမှ အစပြုပြီး ယခုအချိန်ထိ ရှင်သူငယ်ထွက်ပေါက်ဆိုပီး ထင်ရှားရှိနေတာကို တွေ့ရပါသေးတယ်)

အမှတ်တရ လက်ဆောင်ပစ္စည်းများ ၀ယ်ယူနေကြစဉ်

အလောင်းတော်ကဿပအကြောင်း ပြောဆိုကြတဲ့အခါမှာ ပြဿနာတစ်ခုဟာ အခုထိတက်နေဆဲပါဘဲ၊ ဘာပြသနာလည်းဆိုတော့ ကဿပဆိုတဲ့ နာမည်တွေဟာ ပိဋကတ်စာပေတွေထဲမှာလည်း သုံးလေမျိုးတွေ့ရ၍ ယခုအချိန်ထိ ကဿပနာမည်ကိစ္စအတွက် သမိုင်းဆရာတွေကြားမှာ ငြင်းခုံနေကြဆဲမို့ သမိုင်းဆရာအချို့ရဲ့ အယူဆအသီးသီးကို စာဖတ်သူများသိအောင် အောက်မှာ ဖော်ပြပေးလိုက်ပါတယ်။

အလောင်းတော်ကဿပဟုခေါ်တွင်သည့် အစဉ်အလာစကားမှာ အနွတ္တသညာ အနက်အဓိပ္ပါယ်ဆောင်သောစကားဖြစ်သည်။ ကဿပ၏ အလောင်းတော်မဟုတ်။ အလောင်းအလျာဖြစ်သောကဿပအလောင်းတော်ဟု ဆိုလိုသည်။ အမှန်တကယ်ကျောက်စရစ်ရွာ၊ ရွှေပေါင်လောင်ဘုရားကျောက်စာမှာ ဘုရားလောင်းတစ်ကျိပ်ဝင် ပလလဲဆင်မင်းဝင်းစားသည့် ကဿပဟု အခိုင်အမာရေးထိုးထားသည်။ ဘွဲ့တော်အရှည်က ပေါင်လောင်သင်ကဿပဖြစ်၏။ အိန္ဒိယ၌ပွင့်တော်မူသော ဂေါတမဘုရား၏ အဂ္ဂသာဝကအရှင်ကဿပသည် ရဟန္တာဖြစ်ပြီး သာသနာသက္ကရာ်(၁၀၀)လောက်က ပရိနိဗ္ဗာန်ပြုတော်မူခဲ့သည်။

ဘုရားဖူးပို့ပေးနေတဲ့ ဆင်ကြီးများနှင့် အမှတ်တရဓာတ်ပုံရိုက်နေစဉ်

သို့သော် သက္ကရာဇ်(၁၁၂၈)အတုလဆရာတော်က အလောင်းတော်ကဿပအနီး သာသနိကဆိုင်ရာ အဆောက်အအုံတို့ကို အဇာတသတ်မင်း ကောင်းမှုတော်ဟု မိန့်ဆိုခဲ့ရာ အဇာတသတ်မင်းနှင့် ဆက်စပ်ကာ အိန္ဒိယအရှင်မဟာကဿပအလောင်းဖြစ်ရမည်ဟုအချို့ကယုံကြည်လာသည်။ မိုးညှင်းမင်းလက်ထက် ကပိုင်သားတို့ ကျောက်စာရေးရာ၌ အဇာတသတ်မင်းသာမက ရှင်မဟာကဿပပါရောပြီး အိန္ဒိယကဿပဟုအမှားကို ထပ်လောင်းမှားခဲ့ပြန်သည်။ အဇာတသတ်သည် သာသနာသက္ကရာဇ်(၂၄)မှာ နတ်ရွာစံပြီး ရှင်မဟာကဿပနှင့် ခေတ်ချင်းကွာလွန်းသဖြင့် လုံးဝမဖြစ်နိုင်။ အဇာတသတ်သည် အရှင်ကဿပအလောင်းကို မရှာနိုင်။ အလားတူ မြန်မာကဿပအလောင်းရှာရန် ပိုပြီး မဖြစ်နိုင်။ မဟာကဿပနှင့် ပတ်သက်ပြီး မုံရွေးဆရာတော်က ပေါင်လောင်ကဿပသည် ပရိမ္မရွာဇာတိဝန်းကျင်မှာ ဘုရားစသည်တည်ဆောက်ပြီး ယခုအလောင်းတော်ရှိရာသို့ ကြွလာသည်ဟု ဖော်ပြလိုသော်လည်း မှန်၏။ အတုလ ဆရာတော်၏ အဆိုမှားသည်။ ဤအဆို နှစ်ရပ်ကို မိမိတို့လက်လှမ်းမီသလို ဆက်လက်ရှာဖွေ အကျယ်တ၀င့် ပညာရှင်တို့ ရေးသားဖော်ပြကြသည်။

အလောင်းတော်ကဿပ နောက်ဆုံးအဓိဌာန် ပရိနိဗ္ဗာန်ပြုရာ ဂူပေါက်ဝကို ဆင်းကြစဉ်

စိုးဟိန်း(မန်းတက္ကသိုလ်)က နှစ်မျိုးလုံးထောက်ခံရေးသားသဖြင့် အဆုံးအဖြတ်မပါသော သုတေသနဖြစ်သည်။ အမှားကြာလျှင်အမှန်ဖြစ်တက်သည်။ မှားပုံသိသူက အမှန်ကိုတင်ပြရန်တာဝန်သည်စာပေသမိုင်းပေးတာဝန်ဖြစ်သည်။ ကျွန်တော်သည် ပါရဂူကျမ်းပြုရာ၌ ကတွတ်၊ ဖက်သက်တရော်၊ အောင်း၊ အာဋာနာဋကုဝေရ၊ တစ်ထောင် အထောင်၊ သာဝီ၊သြသဓီတာရကပုဂံ(သို့မဟုတ်)ပျူဂါမ၊ ဒွတ္တဘောင်၊ မယားစသော ခေတ်အဆက်ဆက် အမှား၊ အမှန် ပိုင်းခြားနိုင်ခြင်းမရှိသည်ကို အမှန်ရောက်အောင် သုတေသနပြု တင်ပြနိုင်ခဲ့သည်။ ဒေါက်တာသန်းထွန်း(သမိုင်းပါမောက္ခ)သည် မဟာကဿပနှင့်ပတ်သက်ပြီး မြန်မာရာဇ၀င်စာတမ်းစာအုပ်တွင် ပုဂံခေတ်နောက်ပိုင်း သာသနာကဏ္နမှာ အရှင်မဟာကဿပ၏ဇာတိ၊ သာသနာပြုခဲ့ရာ ပုဂံ၊ ပရိမ္မ၀န်းကျင်တို့ကို လည်းကောင်း၊ ကျောက်စာ အချပ်(၅၀)လောက် ကိုးကားရေးသားခဲ့သည်။ ကျွန်တော်၏ မဟာကဿပ၊ ပုဂံသီတင်းသုံးကဿပ၊ ဆောင်းပါးတို့မှာ ပေါင်လောင်သင်ကဿပ၊ အရှင်မဟာကဿပအကြောင်းဖော်ပြသည်ကို လေ့လာပြီး အိန္ဒိယကဿပ မဟုတ်၊ မြန်မာကဿပ၊ ပေါင်လောင်သင်ကဿပဟု လက်ခံယုံကြည်မည်ဟု မျှော်လင့်ပါသည်။

ဘုရားဖူးခရီးသည်များကို ရောင်းချပေးတဲ့ ဆင်မီးလက်စွတ်ကွင်းများ(အချို့ပုဂ္ဂိုလ်များ ၀တ်လို့မရဟုသိရ၏)

ပုဂံသတင်းသုံးမဟာကဿပ

ကျောက်စရစ်ရွာရွှေပေါင်လောင်ဘုရားကျောက်စာအရ စည်သူမင်းကြီးဘီလူးညှဉ်းဆဲပြီး မဟာကဿပကို သုံးကြိမ်ပင့်လျှောက်သဖြင့် ပုဂံသွားရောက်သီတင်းသုံးရသည်။ ဘီလူးရန်ကာကွယ်နိုင်သောကြောင့် ထီးဖြူနှင့်တကွ မင်းမြောက်တန်ဆာငါးပါးဖြင့် ပူဇော်သည်။ သက္ကရာဇ်(၅၇၇)မှာဖြစ်၏။ထိုနှစ်မှာပင်ဆရာဒကာတို့ရွှေပေါင်လောင်ဘုရားကိုတည်ထားကိုးကွယ်သည်။

သက္ကရာဇ်(၅၇၇)သည် ဇေယျသိင်္ခမင်းအုပ်စိုးချိန်ဖြစ်၏။ သက္ကရာဇ်(၅၅၉)မှ(၅၈၁)ထိ ဇေယျသိင်္ခနန်းစံသည်။ ထို့ကြောင့်ဘီလူး ညှဉ်းဆဲခံရသောမင်း၊ ရွှေပေါင်လောင်ဘုရားတည်သောမင်းသည် ဇေယျသိင်္ခမင်းသာဖြစ်သည်။ ဇာတ်နိပါတ်နှင့်ပတ်သက်ပြီး ပြည်မသိ ဗာရာဏသီ၊ မင်းမသိ ဗြဟ္မဒတ်ဟု ဆိုသကဲ့သို့ ပုဂံရာဇ၀င်နှင့်ပတ်သက်ပြီး မင်းမသိ စည်သူဟု ဆိုရပေမည်။ သက္ကရာဇ်(၅၃၀)ဖွားသောကဿပသည် အသက်(၄၇)နှစ်မှာ ပုဂံရောက်ပြီး သီတင်းသုံးနေကာ သက္ကရာဇ်(၅၈၅) တွင် အနန္တသူရိယဇနီးမောင်နှံတို့ မဟာဒါနတွင် ဆရာတော်အဖြစ်ဦးဆောင်ရသည်။

ဆင်စီးပြီး တောင်ထိပ်ဘုရားရင်ပြင်ပေါ်သို့ တက်ကြစဉ်

ကျစွာမင်းလက်ထက် လေးသောင်းသူကြီးက လယ်ပယ်(၄၅၀)ပယ်ကိုကြံတူမြတ်ကြီးအားလှူသည်။ မဟာကဿပက ကျစွာမင်းထံဝင်ပြီး ရေစက်ချလှူရန်တိုက်တွန်းသည်။ မင်းက လိုက်လျှော့သည်။ နာရသီဟပတေ့လက်ထက်၊ သက္ကရာဇ်(၆၄၀)တွင် ဇေယျသိင်္ခမင်း၏ညီ၊ ကင်္ကသူကွယ်လွန်ခဲ့သည်ကို သတိသံဝေဂရ၊ ကုသိုလ်ကောင်းမှုပြုလိုသဖြင့် ကင်္ကသူမယား၊ ညောင်းရမ်းကြီးသမီးသည် ရှင်မဟာကဿပအတွက်တော်ကျောင်းဆောက်လုပ်လှူဒါန်းသည်။ ဆရာတော်နှင့်ကျောင်း၊ ရတနာသုံးပါးကို ရည်စူးပြီး များစွာသော လယ်ပယ်၊ ကျေးကျွန်တို့ကို လှူသည်။ နရသီဟပတေ့လက်ထက် သက္ကရာဇ်(၆၀၆)တွင် ပိုသူကြီးသတ်တျာသည် ပြည်တံခါးအရပ်၌ စုလစ်မွန်းချွန်တို့ဖြင့် တန်ဆာဆင်သော စုလစ်ကျောင်းကြီးဆောက်ပြီး မဟာကဿပကို လှူသည်။ ရတနာသုံးပါးကို ရည်စူးပြီး များစွာသော လယ်ပယ်၊ ကျေးကျွန်တို့ကိုလှူသည်။ နရသီဟပတေ့လက်ထက် သက္ကရာဇ်(၆၀၆)တွင် အနန္တသူရိယတို့ဆောက်ခဲ့သော ကျောင်းရှေ့ ဇရပ်ကြီးတစ်ခု တည်သည်။ မင်းလှသည် ကျောင်းဆောက်ပြီး မဟာကဿပအား လှူဒါန်းသည်။ ဆရာတော်သည် ဤကျောင်းမှာ အစဉ်လိုပင် သီတင်းသုံးနေထိုင်သည်။ မင်းလှသည် ဆရာတော်ကို အမှူးထားပြီး များစွာသော လယ်ပယ်၊ ကျေးကျွန်တို့ကို လှူပါသည်။

ကျောက်စာတို့တွင် ငပေါင်လောင်သင်ကဿပ၊ ပေါင်လောင်သင်ကဿပဟု တွေ့ရသည်။ ကြီးသူက ငယ်သူကို “င” ထည့်ပြီးခေါ်လေ့ရှိ၏။ပေါင်လောင်နှင့်ပတ်သက်ပြီး ရှင်ဖြူရှင်လှဘုရားသမိုင်း ရွှေရင်မြော်သမိုင်းတို့ကိုမှီးပြီး ဝေါဟာရလီနတ္တဒီပနီက ပေါင်လောင်မှ ပလောင်ဖြစ်လာသည်ဟု မိန့်ဆို၏။ ထို့ကြောင့် ပေါင်လောင်သင်ကဿပသည် ပလောင်တိုင်းရင်းသားဖြစ်ဟန်တူသည်။ ကျောက်စရစ်ရွာ ရွှေပေါင်လောင် ဘုရားဝန်းကျင် ၌ရှင်မဟာကဿပ ကျားစီးရုပ်၊ ခြသေ့င်္က ကိုယ်ကိုကိုက်ထားဟန်အရုပ်တို့မှာ မဟာကဿပသည် တောကျောင်းဂိုဏ်းခေါင်းဆောင်ဖြစ်ပြီး နေပြည်တော်ပုဂံ၊ ပုဂံဝန်းကျင်၊ ပင်းယ၊ တံတားဦး၊ ပဒူ စသော အင်းဝ၊ ပင်းယ၊ စစ်ကိုင်းခရိုင် အနိမ့်အမြင့်၊ ကျေက်စရစ်၊ ပရိမ္မစသော ထိုအခါက တောတောင်ထူထပ် သားရဲကြီးစိုးသော အရပ်ရပ်သို့ သာသနာပြုစဉ် တွေ့ကြုံရဟန် သရုပ်ဖော်ထားသည်ဟု ယူဆပါသည်။

ဆင်စီးပြီး တောတောင်ရှုခင်းတွေကြည့်ရင်း တောင်ထိပ်ရင်ပြင်ပေါ်သို့ တက်ရောက်ကြစဉ်

အရှင်မဟာကဿပသည် ပရိမ္မရွာ ရွှေပေါင်လောင် ဘုရားကျောက်စာ၊ အနိမ့်တောကျောင်း ကျောက်စာတို့အရ ပိဋကတ် တက်ကျွမ်းသော၊ မိဘကျေးဇူးသိတက်သော၊ ပလလဲ ဆင်မင်းဝင်စားသော ဘုရားလောင်းဖြစ်သောကြောင့် ပျံလွန်တော်မူသောအခါ အလောင်းတော်ကဿပဟူပြီး နာမည်တွင်ကျန်ရစ်သည်။ ခေတ်အဆက်ဆက် အလောင်းတော်ကဿပဖူးရန် ပြည်သူများ သွားရောက်ကြပါသည်။

ကျမ်းကိုး-

ပုဂံကျောက်စာလက်ရွှေးစင်၊ (၅၈)။

မဟာရာဇ၀င်ကြီး၊ စာ (၂၆၂)

သူငယ်ချင်းပြောပြတဲ့ အလောင်းတော်ကဿပ ဘုရားဖူးခရီးစဉ်မှတ်တမ်း

ရန်ကုန်ကနေ ဘုရားဖူးကားစီးသွားပြီး မုံရွာမြို့ရောက်ရင်မောင်းထောင်းကျောင်းတိုက်ဝင်းထဲမှာရှိတဲ့ ဦးညိုဝင်းနှင့် ရောင်းရင်းများအဖွဲ့ရဲ့ ခရီးသည်တင် ကားငယ်လေးတွေ (Mini Bus) တွေနဲ့
အလောင်းတော်ကဿပတောထဲကို ဆက်သွားရပါတယ်။ ယခုနောက်ပိုင်းမှာတော့ လယ်ငေါက်ချင်ပြစ် အလောင်းတော်ကဿပလမ်း ပြုပြင်ရေးနှင့် ရွှေဆံပင်လမ်းတံတား ဖြစ်မြောက်ရေးအဖွဲ့များရဲ့ အထူးစီမံမှူနဲ့ ပြေးဆွဲပေးနေတဲ့ မှန်လုံအထူးယာဉ်များနဲ့လည်း တောင်ခြေရောက် အသွားအပြန် ကားခ က လူတစ်ယောက်ကို
၁၂,၀၀၀ကျပ် ပေးရပါတယ်။ မုံရွာကနေ အလောင်းတော်ကဿပ အထိကို မိုင် (၈၀) ကျော်ရှိပါတယ်။ တောင်တက်လမ်းဖြစ်တဲ့အပြင် မြေသားလမ်းဖြစ်တာကြောင့် လမ်းခရီးဟာအတော်လေးကြမ်းတမ်းပါတယ်။

အဓိဌာန် ဂူပေါက်ဝကို ဤသို့ ခက်ခေါင်ခက်ခဲ သွားရောက်ဖူးမျှော်ကြစဉ်

ဘုရားဖူးလာ ဗုဒ္ဒဘာသာဝင်များကတော့ စေတနာဇော နဲ့ လာရောက်
ဖူးမြှော်တာဖြစ်တဲ့အတွက် လမ်းခရီးမှာ အဆင်မချောတဲ့ မည်သည့်ကိစ္စကိုမဆို
အင်မတန် သည်းခံကြတာကို တွေ့ရပါတယ်။ အလောင်းတော်ကဿပ ခရီးတစ်ဝက်ဖြစ်တဲ့
ကပိုင်ရွာ မှာ ခရီးတစ်ထောက်နားပြီး အမောပြေ ကြံရည်၊ လက်ဖက်ရည်၊
အဆာပြေထမင်းကြော်များကို စားသောက်ကြပြီး ခရီးဆက်သွားကြပါတယ်။
ကပိုင်ရွာ ကနေ အလောင်းတော်ကဿပ ကို ၂၇ မိုင်ကျော်သာ ဝေးပါတော့တယ်။ ဒါပေမဲ့
အလောင်းတော်ကဿပ ဘေးမဲ့ကြိုးဝိုင်း နီးလာလေ တောင်တက်လမ်းများက
ကြမ်းတမ်းမတ်စောက်လာလေပါ။ အလောင်းတော်ကဿပ ဘေးမဲ့ကြိုးဝိုင်းအနီး
ရောက်လာတဲ့အခါမှာတော့ တောပိုင်၊ တောင်ပိုင်နတ်ကွန်းများနဲ့
ဗုဒ္ဒဘုရားရှင်ဆင်းတုတော် ၃ဆူကိုတော့တွေ့ရပါတယ်
ကားမောင်းသူနဲ့ ယာဉ်နောက်လိုက်တို့က ကားပေါ်မှဆင်းကာ အမွှေးနံ့သာတိုင်နဲ့
ဆီမီးအလင်းတိုင်တို့ကို ထွန်းညှိ ပူဇော် လှူဒါန်းပြီး
ဘေးအန္တရာယ်ကင်းရှင်းပါစေကြောင်း ဆုတောင်းကြတာကို တွေ့ရပါတယ်။ ကားပေါ်
ကားမောင်းသူနဲ့ ယာဉ်နောက်လိုက်တို့က စီးနင်းလိုက်ပါလာတဲ့
ဘုရားဖူးဓမ္မမိတ်ဆွေများကို ဤနေရာမှစပြီး ကားပေါ်မှ တံတွေးထွေးချခြင်း၊
ညစ်ညမ်းတဲ့စကားများ ပြောဆိုခြင်း၊ နောက်ပြောင် ပြောဆိုခြင်း၊ မဆင်မခြင်
အပေါ့အလေးသွားခြင်းတို့ကို လုံးဝ မပြုလုပ်ကြပါရန် အနူးအညွတ်
တောင်းပန်တာကိုလဲတွေ့ရပါတယ်။

အဓိဌာန်ဂူပေါက်ဝကို ရွှေသက်န်းများ ကပ်လှူနေကြစဉ်

နောက်ထပ် တစ်နာရီခန့် ကြာအောင် ကားကို မောင်းနှင်ရပြီး၊ အလောင်းတော်ကဿပ
ကိုယ်တော်မြတ်ကြီး သီတင်းသုံးရာ နယ်နိမိတ်အတွင်းသို့ ရောက်ရှိလာပါတယ်။
အဲဒီနေရာကနေ အလောင်းတော်ကဿပ သီတင်းသုံးရာနေရာသို့ နောက်ထပ် ၇ ဖာလုံ
(တစ်မိုင်ခန့်) ထပ်သွားရပါတယ်။ ခြေလျှင်လျှောက်သူများကလည်း ခြေလျှင်ခရီး၊
တချို့သက်ကြီးရွယ်အိုများ၊ ကလေးသူငယ်များ၊ ကျန်းမာရေးမကောင်းသူများကတော့
ဆင်စီးပြီး ခရီးဆက်ကြပါတယ်။ ခရီးသည်တင် ဆင်များကတော့ အစိုးရသစ်တောဌာနက
ဆင်များဖြစ်သလို၊ ကိုယ်ပိုင်ပုဂ္ဂလိကဆင်များလည်း ရှိပါတယ်။

အလောင်းတော်ကဿပအ၀င် ဆိုင်းဘုတ်နေရာမှ အလောင်းတော်ကဿပ သီတင်းသုံးရာ
ဂူအနားထိ လူတစ်ယောက်လျှင် ဆင်စီးခ ၂,၀၀၀ကျပ် ပေးရပြီး၊ ဆင်တစ်ကောင် အပေါ်တွင်
လူ၎ယောက်သာ(လူကြီးများအတွက်) လိုက်ပါစီးနင်းခွင့် ရှိပါတယ်။

ရုပ်တုတော် သီတင်းသုံးရာ စံကျောင်း ပတ်ဝန်းကျင်အနီးအနားမှာတော့၊
အလောင်းတော်ကဿပ သမိုင်းစာအုပ်၊ ပုံတော်၊ VCD များနဲ့ ဆင်ပြီးလက်စွပ်၊
တောထွက်ဘယဆေးများ၊ မုန့်ဟင်းခါး၊ အသုပ်စုံ၊ ကော်ဖီ၊ လက်ဖက်ရည်ဆိုင်တွေ
ခင်းကျင်းရောင်းချနေတာကိုတွေ့ရပါတယ်။

ခရီးသည်အများစု ခရီးတစ်ထောက် နားခိုရင်း စားသောက်ကြတဲ့ ကပိုင်ရွာမှ လက်ဖက်ရည်ဆိုင်

အဲ့ဒီနောက်မှာတော့ အလောင်းတော်ကဿပ ကိုယ်တော်မြတ်ကြီး နောက်ဆုံးပရိနိဗ္ဗာန်ပြု အဓိဌာန်ခဲ့တဲ့ဂူပေါက်ဝကို သွားရောက် ပူဇော်ဖို့အတွက်
စတီးလှေကားနဲ့ ဂူအောက်တောင်ကြားသို့ ဆင်းကြရပါတယ်။ အလောင်းတော်
ကိုယ်တော်မြတ်ကြီး အဓိဌာန် ပရိနိဗ္ဗာန်ပြုခဲ့တဲ့ဂူပေါက်ဝကို
ရောက်တဲ့အခါမှာ ဦးခိုက် ရှိခိုး ကန်တော့ကြပြီး၊ အလောင်းတော်ကြီး
သီတင်းသုံးရာ ဂူပေါက်ဝနံရံကို ရွှေသင်္ကန်းများနဲ့ ကပ်လှူ ပူဇော် ဆုတောင်း
အဓိဌာန်ပြုကြပါတယ်။

ကျေးလက်အညာဒေသရဲ့ တောအလှ တောသဘာဝ ရှုခင်းများ

ဒီခရီးစဉ်မှာ ဗုဒ္ဒဘာသာဝင်တွေရဲ့ စေတနာ သဒ္ဓါတရား ထက်သန်မှုကို ထင်ရှားစွာ

မျက်မြင်တွေရပါတယ်။ ဘုရားဖူးရာသီရောက်တာနဲ့ မြန်မာပြည်ရှိအနယ်နယ် အရပ်ရပ်က

ရဟန်းရှင်လူတွေဟာလည်း ကုသိုလ်ထူးရအောင် မိမိတို့တနှစ်တာ ရှာဖွေ

စုဆောင်းထားတဲ့ ငွေလေးများနဲ့ ဘုရားဖူးခရီးကို ကြိုးစားပန်းစား ထွက်ကြပါတယ်။

သို့ပေမဲ့လည်း အများစုဟာ ပြည်တွင်းစီးပွါးရေး ကျပ်တည်းမှုကြောင့် ဘုရားဖူးခရီး

မထွက်နိုင်ကြဘဲ မြန်မာပြည်တွင်းရှိ တန်ခိုးကြီးဘုရားအဆူဆူတို့ကို

စိတ်ရည်မှန်းကာပဲ ဖူးမြှော် ပူဇော်နေကြရတာကို တွေးမိပြီး ကိုယ်တိုင်ကိုယ်ကျ

အရောက်မသွားနိုင်ကြသော်လည်း အဝေးကနေစိတ်ဖြင့်အာရုံပြုပြီး အလောင်းတော်ကဿပ

ထေအရှင်မြတ်ကို ဖူးမျှော်ကာ ကုသိုလ်သဒ္ဓါတရား တိုးပွားစေရေး မျှော်ရည်တွေးလျှက်

စီစဉ်တင်ဆက်လိုက်ရပေသည်။

သုခီ အတ္တာနံ ပရိဟရန္တု

ဆန်းသစ်အောင်