ဥတုဟေမန္တ ဆောင်းကာလ နံနက်ခင်း၏ မြင်ကွင်းကား ကျေးလက်ဒေသနေ လူများအဖို့
သိပ်မထူးဆန်းလှသော်လည်း တစ်ခါတစ်ရံမှသာ မြို့ကနေ ဇာတိရပ်ရွာကို
အလည်ပြန်လေ့ရှိသော မောင်သာခင်အတွက်တော့ တော်တော်လေးပင် ထူးဆန်းနေချေ၏၊
အဘယ့်ကြောင့်ဆိုသော် ကောက်စပါးသီးနှံများရဲ့
ရင့်မှည့်ချိန်မို့ အေးခဲလှသော ဆောင်းနှင်းထုကြားကနေ ဖောက်ထွက်လာသော
ကောက်စပါးရနံ့ကား မြို့ကြီးပြကြီးတွေမှာ ရှူရှိုက်ခွင့်မရတဲ့ သင်းရနံ့ဖြစ်သလို
အအေးဒဏ်ကိုဘေးချန်ပီး စပါးရိုက်နေကြသော ရွှေညာသူ
လုံမပျိုလေးများရဲ့ ဇွဲ လုံ့လ သတ္တိတွေကိုလည်း လက်တွေ့ကျကျ
မြင်တွေ့ခွင့်ရသောကြောင့်ပေတည်း။
ဤကဲသို့သော အချိန်ခါမျိုးမှာ စပါးရိုက်ရာမှ ခေတ္တနားပြီး အဆာပြေမုန့်ပဲသရေစာနှင့်
ရေနွေးကြမ်းသုံးဆောင်နေကြသော စပါးခင်းပိုင်ရှင် ဦးမြဖေတို့သားအဖနှစ်ယောက်နှင့်
စပါးရိုက်အဖွဲ့လုံမပျိုလေးများဆီသို့ မောင်သာခင်တစ်ယောက် ရောက်သွားတဲ့အခါမှာ
ဦးမြဖေက ဖော်ရွေစွာပင် ကြိုဆိုနှုတ်ဆက်လေ၏။
“ ဟေး..မောင်သာခင်ကြီးပါလား..ဘယ်ကနေ လှည့်လာတာလဲကွ..လာကွာ
ရေနွေးကြမ်းလေး ဘာလေး သုံးဆောင်စမ်းပါဦး..မောင်ရင်လည်း ရွာမပြန်လာတာ
အတော်ကြာပီနော်”
ဦးမြဖေရဲ့ ဖိတ်မန္တကပြုမှုကို လက်ခံသည့်အနေဖြင့် မောင်သာခင်တစ်ယောက်
ရေနွေး ကြမ်း ၀ိုင်းထဲသို့ ၀င်ထိုင်လိုက်ပြီး ဤသို့ စကားတုံ့ပြန်လေ၏၊
“ ဒီလိုဗျ ဦးလေးမြရဲ့..မြို့မပြန်ခင် အချိန်ရတုန်းလေးမှာ ရွာအနောက်ဖက်မှာ
ဖောက်လုပ်ထားတဲ့ ဆည်မြောင်းတွေနဲ့ စံပြစပါးစိုက်ခင်းတွေကို သေချာသိချင်တာနဲ့
လမ်းလျှောက်ရင်း လှည့်ပတ်ကြည့်တာပါဗျာ…
အော် … ဒါနဲ့ဗျာ သိချင်တာလေးရှိလို့ ဦးလေးမြကို မေးရဦးမယ်ဗျ..စပ်စုတယ်လို့တော့
မထင်လိုက်ပါနဲ့ ..အခု ဦးလေးမြတို့လယ်ကွက်ထဲမှာ စပါးရိုက်နေကြတဲ့
စပါးရိုက်အဖွဲ့ကအမျိုးသားတစ်ယောက်မှမပါဘဲ
အမျိုးသမီးတွေချည်းပါလားဗျ..ဘယ်လိုဖြစ်ရတာလည်း ပြောပြစမ်းပါဦး”ဟု
မောင်သာခင်က စောဒကတက်လိုက်ရာမှာတော့ ရေနွေးကြမ်းဝိုင်းနားမှာရှိတဲ့
ဦးမြဖေရဲ့သား မောင်တုတ်ကြီးက သူ့ရင်ထဲမှာ ရှိတဲ့အတိုင်း ဖွင့်ဟလေတော့၏၊
“အေးကွာ ..မင်းသိချင်တော့လည်း စိတ်မကောင်းစွာနဲ့ ပြောပြရတော့မှာဘဲ..
ဒီလိုလေကွာ.. အခုနောက်ပိုင်းရွာမှာရှိတဲ့ လူငယ်အများစုက ရွာမှာ
သိပ်မနေချင်ကြတော့ဘူး..စင်္ကာပူတို့ မလေးရှားတို့သွားပီး
ငွေရှာထွက်တဲ့လူကထွက်..နောက်ပီး ဖားကန့်ကျောက်မှော်ထဲသွားပီး
ငွေရှာသွားတဲ့လူကသွားနဲ့ ဆိုတော့ ရွာမှာလူငယ်သိပ်မကျန်သလောက်ပဲဗျာ..
သီးနှံဈေးကလည်း သိပ်မကောင်းတော့ ရွာမှာလုပ်ကိုင်စာသောက်ရတာကလည်း
အရင်ကလို အဆင်မပြေတော့ တနယ်တကျေးသွားပီး
လုပ်ကိုင်စားသောက်ကြတာလည်း မဆန်းတော့ပါဘူး..ဒီတော့ ရွာမှာလူငယ်တွေ
သိပ်မရှိကြတော့ စပါးရိုက်ခေါ်ချင်ရင် အမျိုးသမီးတွေကိုဘဲ အားကိုးပီး ခေါ်နေရပီဆိုတော့
အင်း..ခေတ်က တဖြည်းဖြည်းနဲ့ နွားထီးငါးကျပ် နွားမငါးကျပ်ခေတ်ရောက်နေပီ
မောင်ရင်ရေ” ဟု စိတ်မကောင်းစွာနဲ့ ပြောပြနေသော မောင်တုတ်ကြီးစကားအဆုံးမှာတော့
မောင်သာခင်က အမှတ်မထင် မေးခွန်းတစ်ခုကို ဦးမြဖေအား ကောက်မေးလိုက်လေ၏၊
“ အဲဒါတွေထားပါတော့ဗျာ.. လာမည့်နှစ်ကျရင် ကျွန်တော်တို့ ရွာဦးကျောင်းဆရာတော်ရဲ့
သက်တော်(၇၅)နှစ်ပြည့် စိန်ရတုမွေးနေ့ပွဲသဘင်ကို ခြိမ့်ခြိမ့်သဲကျင်းပမယ်လို့
ရွာထဲမှာပြောနေတာ ကြားခဲ့ရတယ်ဗျ…ဦးလေးမြတို့က ရွာမှာ အမြဲနေတဲ့
သူတွေဖြစ်တော့ ဒီကိစ္စကို ကျနော်ထက်စာရင်ပိုသိမှာမို့ မွေးနေ့ပွဲအကြောင်း
သိသလောက် ပြောပြပေးပါလား” ဟု မောင်သာခင်က တောင်းဆိုလိုက်သဖြင့်
ဦးမြဖေတစ်ယောက် ငှဲ့ထားသော ရေနွေးကြမ်းခွက်ကို သောက်ရင်း
စိန်ရတုမွေးနေ့ပွဲအကြောင်း စီကာပတ်ကုံး ပြောပြလေတော့၏၊
“ဒီလိုလေ ငါ့တူရ..ဦးလေးလည်း စိန်ရတုမွေးနေ့ပွဲ ကျင်းပမဲ့အကြောင်းကို
ကြားနေတာတော့ တော်တော်ကြာပါပြီ…၀မ်းသာစရာကောင်းတာက ဆရာတော်ရဲ့
စိန်ရတုမွေးနေ့ပွှဲမှာ စိန်ရတုမဂ္ဂဇင်းစာအုပ် ထုတ်ဝေမဲ့
ကုန်ကျစရိတ်အတွက် မန္တလေးက ဦးဘမောင်+ဒေါ်ကြင်ဆွေမိသားစုတို့က
တာဝန်ယူလှူဒါန်းသွားမှာတဲ့ဗျ..ရွာဦးကျောင်းထိပ်က ရှစ်မျက်နှာဘုရားကလည်း
သူတို့ပဲ လှူဒါန်းထားကြတာလေ…ဒါတင်ဘယ်ကဦးမလဲ..မကြာခင်ဆောက်လုပ်တော့မဲ့
ချောင်းကူးတံတားအတွက်လည်းသိန်း(၂၀)ကျော်ထည့်ဝင်လှူဒါန်းကြဦးမယ်လို့
ကြားသေးတယ် ငါ့တူရ.
.အခြားလှူဒါန်းထားတဲ့ အလှူတွေလည်းအများကြီး ရှိနေသေးတာမို့ ပြောပြနေရင်
ပြီးမှာမဟုတ်တော့ဘူး ငါ့တူရေ”
ဦးမြဖေ စကားမဆုံးခင်မှာပင် မောင်သာခင်တစ်ယောက် ၀မ်းသာလွန်းသဖြင့်
စိန်ရတုမဂ္ဂဇင်းစာအုပ် အတွက်ကုန်ကျစရိတ်လှူဒါန်းကြမည့် အလှူရှင်တွေကို
စိတ်ထဲကနေ သာဓုအကြိမ်ကြိမ် ခေါ်ဆိုနေမိတော့၏၊“ ဦးလေးစကား
မဆုံးသေးဘူး ငါ့တူရ..၀မ်းသာစရာတွေများစွာရှိတဲ့ထဲက အခုပြောပြမဲ့
ဟာက ပိုပီးဝမ်းသာစရာကောင်းမယ်ထင်ပ…ဒီလိုလေကွာ..ဆရာတော်ကြီးရဲ့
စိန်ရတုမွေးနေ့ပွဲမှာဆရာသခင်ကိုပူဇော်ဂုဏ်ပြုတဲ့အနေနဲ့
အနယ်နယ်အရပ်ရပ်မှာ ရောက်ရှိသီတင်းသုံးနေကြတဲ့
ဆရာတော်ကြီးရဲ့တပည့်သားသံဃာတွေကလည်း သွားရေး လာရေး
အဆင်ပြေဘို့အရေး မျှော်ရည်တွေးပီးတော့ယာဉ်ငယ်တစ်စီးဝယ်ဘို့
အလှူငွေတွေ အသီးသီးထည့်ဝင်လှူဒါန်းထားကြပီးပီလို့ ကြားတယ် မောင်ရင်ရေ”
ဟူသော ဦးမြဖေစကားကို ကြားတဲ့အခါမှာတော့ အတော်ပင် အံ့သြ၀မ်းသာသွားကာ
သူ့ခေါင်းထဲ၌ အတွေးတစ်ခု ၀င်ရောက်ခဲ့လေပြီ။
“ သြော်..သြော်..ရပ်ရွာကျေးဇူး ဆရာသမားကျေးဇူးကို အမတန်သိတတ်ကြတဲ့
တပည့်သားသံဃာတော်တွေပါတကား..ငါတို့လို လူပုဂ္ဂိုလ်တွေအနေနဲ့လည်း
ငါတို့ချွေးနဲစာထဲကနေ
ထုတ်နှုတ်ပြီးတော့ ရပ်ရွာဆရာတော်ရဲ့ စိန်ရတုမွေးနေ့ပွဲမှာ သဒ္ဓ္ဓါတတ်အားသမျှ
လှူဒါန်းကြမှ သင့်မယ်”ဟု အတွေးနယ်ချဲ့လို့ မပြီးဆုံးခင်မှာပင်
ဦးမြဖေက သူသိချင်သော အကြောင်းရာတစ်ခုကို ဤသို့မဆိုင်းမတွ မေးမြန်းလေ၏၊
“ နေပါဦး..ဦးလေးက စိန်ဆိုလို့ စိန်စတင်းဆိုင်းတို့ စိန်မွတ္တားဆိုင်းတို့ပဲ ကြားဖူးတာဟ..
ငါ့တူပြောနေတဲ့ စိန်ရတုဆိုတာကို အခုမှပဲကြားဖူးတာမို့ ငါ့တူအချိန်ရမယ်ဆိုရင်
စိန်ရတုအကြောင်းကို နဲနဲလောက် ပြောပြပေးပါလားကွာ” ဟု တောင်းဆိုလာသဖြင့်
မောင်သာခင်တစ်ယောက် ရှင်းပြလေတော့၏၊
“ ဒီလိုဗျ ဦးလေးရ..ကျနော်သိသလောက် ပြောပြရရင် လူ့သက်တမ်းနှစ်တစ်ရာကို
လေးပုံပုံကြည့်တဲ့အခါမှာ ပထမဆုံး(၂၅)နှစ်တာခရီးကို ငွေရတု၊ဒုတိယ
နှစ်(၅၀)ခရီးကို ရွှေရတု၊ တတိယ(၇၅)နှစ်တာခရီးကိုစိန်ရတု၊စတုတ္ထ
နှစ်(၁၀၀)ခရီးကို ပုလဲရတု ပတ္တမြားရတုလို့ သတ်မှတ်ထားတာဖြစ်လို့ ယ္ခု ဦးလေးမြတို့
ကျနော်တို့ရဲ့ဆရာတော်ကလည်း သက်တော်အနေနဲ့(၇၅)နှစ်ထဲရောက်ရှိလာပြီမို့
စိန်ရတုဆိုတဲ့ ခေါင်းစဉ်နဲ့ မွေးနေ့ပွဲကို ခြိမ့်ခြိမ့်သဲ ကျင်းပမှာလေ” ဟူသော
မောင်သာခင်စကား ဆုံးသည်နှင့်တပြိုင်နက် စပါးရိုက်အဖွဲ့
အမျိုးသမီးလေးများက ဤသို့ ရုတ်တရက်ထပြောက်ြလေ၏၊
“ ဆရာတော်ရဲ့ စိန်ရတုမွေးနေ့ပွဲကို ခြိမ့်ခြိမ့်သဲသဲ ကျင်းပမယ်ဆိုတော့
ဇာတ်ပွဲတွေလည်း ပါမှာပေါ့နော်” ဟုအတွန့်သက်လာသဖြင့် ဦးမြဖေတို့ စကားဝိုင်းက
ပြီးတော့မလိုနဲ့ မပြီးပဲ ပို၍ပင် အသက်ဝင်လာ၏။
“ အော် ..ခက်ပါလားကွာ..မင်းတို့တွေကတော့ ကိုယ်လိုရာ ကိုယ်ဆွဲပြောနေကြပြန်ပြီ..
ဇာတ်ပွဲပါမယ်လို့ ဘယ်သူကပြောလို့တုန်း..အကိုအမြင်ရ ပြောရရင် ပျော်ပွဲရွှင်ပွဲ
ဇာတ်ပွဲတွေဆိုတာက
မိမိတို့ရဲ့စိတ်ကို တဒင်္ဂမျှသာ ပျော်ရွှင်စေနိုင်ပြီး ထာဝရမပျော်ရွှင်စေနိုင်တာ
အမှန်ဘဲ..ဘုရားလက်ထက်တော်ကာလက ရှင်သာရိပုတြာအလောင်း ဥပတိဿနဲ့
ရှင်မဟာမောဂ္ဂလာန်လောင်း ကောလိတတို့ပဲ ကြည့်လေ..သူတို့တွေ
ဇာတ်ပွဲကြည့်ရင်းကနေ ငြီးငွေ့စိတ်ပျက်ပြီး တရားဘက်ကို ကူးပြောင်းခဲ့ကြတာကို
မင်းတို့တွေ ကြားဖူးကြတယ်မဟုတ်လား..ဒီတော့ ဘ၀အတွက် ပျော်ရွှင်စရာတွေထဲမှာ
အကောင်းဆုံး အမွန်မြတ်ဆုံးဖြစ်တဲ့ဓမ္မနဲ့ပျော်ရွှင်စေနိုင်ဘို့ မကြာခင်ကျင်းပတော့မဲ့
ဆရာတော်ရဲ့ စိန်ရတုမွေးနေ့ပွဲမှာပါမယ့် ညတရားပွဲတွေကို
နာဖြစ်အောင် နာယူကြဘို့ မှာချင်ပါတယ် ညီမတို့ရေ..ကဲ..ကဲ .ကျနော်လည်း
ဒီနေ့ညနေ မြို့ကိုပြန်ရတော့မှာမို့ ပြင်ဆင်စရာရှိတာလေးတွေ သွားပြင်လိုက်ပါဦမးယ်..
လာမည့်နှစ် ဆရာတော်စိန်ရတုမွေးနေ့ပွဲကျမှပဲ ပြန်လာနိုင်အောင် ကြိုးစားပါဦးမယ်..
ဦးလေးမြရေ .ပြန်ပြီဗျို့…
ဝေးရပ်မြေမှ အနန္တဂုဏ်အင် ကျေးဇူးရှင် ဆရာသခင်အား ဤစာစုဖြင့် ပူဇော်ကန်တော့ပါ၏။
(အာစရိယဂုဏံ အဟံ ၀န္ဒာမိ သဗ္ဗဒါ)
(မှတ်ချက်)မွေးရပ်ဇာတိမြေမှ ဆရာတော်ဘုရားကြီး၏ စိန်ရတုမွေးနေ့ပွဲတွင် ထုတ်ဝေမည့်
စိန်ရတုမဂ္ဂဇင်းအတွက် ရေးသားပေးပို့ခဲ့သော စာမူအား မူရင်းအတိုင်း ဖော်ပြပါသည်။
